Dayikên /Mirovên Şemiyê, ku her hefte li Qada Galatasarayê dicivin ji bo li aqûbeta xizmên xwe yên ku di binçavan de hatine windakirin û kuştin bipirsin û daxwaza darizandina sûcdaran bikin, cara 1082’yan li hev civiyan. Çalakvanên ku vê hefteyê jî qurnefîl û wêneyên kesên ku hatine kuştin û windakirin hilgirtin, li aqûbeta Nîhat Aydogan ku di binçavan de hat windakirin, pirsîn. Gelek parêzvanên mafên mirovan beşdarî çalakiyê bûn û daxuyaniya çapemeniyê ji hêla endama Komeleya Mafên Mirovan (ÎHD) Gulseren Yoleriyê ve hate xwendin.
Gulseren Yoleriyê bi daxwaza eşkerekirina rastiyê û cezakirina berpirsên giştî yên kuştinê, li aqûbeta Nihat Aydoğan ku piştî binçavkirinê winda bû, pirsî.
Piştî ku qurnefîl li Qada Galatasarayê ji bo bîranîna windayan hatin danîn, çalakî bi dawî bû.
