Hevserokên Giştî yên DEM Partiyê Tulay Hatîmogûllari û Tuncer Bakirhan têkildarî komkujiya Elewiyên li Sûriyeyê ev tişt parve kirin:
“Ji destpêka şerê navxweyî yê li Sûriyeyê ya sala 2011’an heta niha me çareseriya destûrî ya berfireh û demokratîk a ku hemû beşên civakî û cudahiyên li welat nas dike, parast. Em bi hişemndiya “naskirina cudahiyan mîsogerikirina yekîtiya demokratîk e” tevgeriyan.
Piştî di 8’ê Kanûna 2024’an de rejîma Esed hate rûxandin HTŞ beşeke girîng ji Sûriyê xist bin kontrola xwe û hikûmeta Ahmed El Şara (Colanî) hat avakirin. Di nava 3 mehên vê hikûmetê de bi israr siyaseta dûrxistina Kurd, Elewî, Durzî, jin û hemû beşên civakî dimeşîne ku ew weke “yek ji sê serdema xwe ya yekem” pênase nake. Di hemû qonaxên krîtîk ên ku dê paşeroja Sûriyeyê çêbibe, wek diyarkirina hikûmeta demkî, lidarxistina kongreya diyaloga niştimanî û avakirina komîteya amadekirina destûrê de, ti hevkariyek bi nûnerên gel û baweriyan re nebû û beşdariya wan a bi bandor di pêvajoyê de nehat misogerkirin. Ev nêzîkatî li Sûriyeyê rê li ber alozî û nakokiyên nû vedike.
Herî dawî komkujiyên li Lazqiye û Tertûsê li dijî Elewiyên Ereb hatin kirin, encameke bi êş a vê nêzîkatiya yekparêzî û dûrxistinê ye. Em dibin şahidê komkujiyên ku li Hemayê, Humsê û gelek gundan pêk anîne û kiryarên wan HTŞ ne.
Em komkujiyên rêveberiya HTŞ’ê û polîtîkayên koçberkirinê yên li dijî gelê Elewî bi tundî şermezar dikin. Divê rêveberiya HTŞ’ê demildest dawî li van êrîşan bîne û daxwazên rewa û demokratîk ên Elewiyên Ereb nas bike.
Em bang li civaka navneteweyî dikin ku li dijî van komkujiyên li Lazqiye û Tertûsê helwesteke çalak nîşan bidin û piştgiriyê bidin Elewî yên li Sûriyeyê.”
