Di daxuyaniya DEM Partiyê de hate bibîrxistin ku piştî “Peymana li ser Parastina Mafên Malbatan û Karkerên Koçber a Navneteweyî” ku sala 1990’î li Civata Giştî ya Neteweyên Yekbûyî hate qebûlkirin, 18’ê Kanûnê weke Roja Koçberan a Navneteweyî hate ragihandin. Di daxuyaniyê de işaret bi mêtingerî, nijadperest û binpêkirina mafên mirovan ên li hemberî koçberan hate kirin û hate ragihandin ku ev tablo li Tirkiyeyê gelekî giran e.
Li gorî daxuyaniyê, bi milyonan koçberên li Tirkiyeyê ji ber polîtîkayên koçberiyê yên desthilatdariya siyasî ku xwe dispêre têgihiştina ewlekarî, cihêkarî û alîgiriya sermayeyê, li nava sîstemeke mêtingeriyê ya piralî asê bûne. Hate gotin, koçber weke hêza erzan a kar têne xebitandin û li dijminatî û nijadperestiyê rast tên.
Komîsyona Penaber û Koçberan a DEM Partiyê ev daxwaz anî ziman:
– Divê ji koçberan re mafê statuya bi ewle û derbasbûna qanûnî bê naskirin.
– Kampên koçberan û navendên vegerandinê bêne girtin.
– Dawî li mêtingeriya li ser keda koçberan bê anîn; mafên sendîkayî û bi sîgorta bêne ewlekirin.
– Ji bo koçberên jin dûrî gefa dersînorkirinê mekanîzmayên parastinê yên serbixwe bêne avakirin.
– Xizmetên tenduristiyê bê pere bin û bêne pêşkêşkirin.”
