Desteya Rêveberiya Navendî ya DEM Partiyê bi wesîleya salvegera komkujiyê daxuyaniyek da û got, “Di komkujiya li ber Gar a Enqereyê ya 10’ê Cotmeha 2015’an de ku çeteyên DAÎŞ’ê li hemberî Mîtînga Demokrasî, Aştî û Kedê kir, ku bi deh hezaran mirovên me lê amade bûn, 103 canên me jiyana xwe ji dest dan, 419 mirovên me jî birîndar bûn. Di ser vê komkujiyê re 10 sal derbas bûn ku li hemberî mirovên bi rûmet ên alîgirê ked, aştî û demokrasiyê hate kirin.”
Di daxuyaniyê de hate ragihandin ku kujeran û hêzên li pişt wan, xwestin bi vê komkujiyê hêviya wan tine bikin, erdnîgariyê bixe nava tarîtiya mejiyên xwe, dijminatiyê bixe nava gelan û bi vî rengî şer û siyaseta zilmê daîmî bikin.
Di daxuyaniya DEM Partiyê de hate gotin, “Lê belê xwediyên vî mejiyê tarî li gel hewldan û êrîşên xwe jî bi ser neketin. Nekarîn bi têkoşîna me ya ked, aştî û demokrasiyê gavên paşve bide avêtin.
Di sala 10’emîn a komkujiyê de ji bo serketina Pêvajoya Aştî û Civaka Demokratîk têkoşîna me li her qadê dewam dike. Heta ku hesab ji kujerên rastî yên komkujiyê bê pirsîn û wezîfedarên cemaweriyê yên xemsariya wan hebû bêne darizandin, em ê têkoşîna xwe dewam bikin.”
