Meclîsa Jinan a DEM Partiyê got: ‘’Karavana Gelan, armanc kiriye ku piştevaniya navneteweyî ya di navberab gelan û jinan de mezin bike, li dijî tundiya li ser jinan têkoşîna hevpar xurt bike û piştevaniya li gel têkoşîna jinan a li Rojava ava bike.’’
Di dewama daxuyaniya nivîskî de ev yek hatin gotin: ‘’Binçavkirina jinên aktîvîstên karavanê û tundiya zayendî ya li navendên lê hatine ragirtin lê rast hatine dubare nîşan didin ku li vî welatî mekanên di bin çavdêriya dewletê de ji bo jinan cihê sûcan e.
Tundiya zayendî ya li ser aktîvîsta Karavana Gelan Alma û hevalên wê û hewldana destdirêjiya li ser wan, erêkirina sûcên li Rojava ne ku bi destê çeteyên HTŞ’ê li dijî jinan tên kirin. Hedefgirtina piştevaniya navneteweyî ya gelê Kurd bi jinan re ye. Delîlê dijminahiya gelê Kurd û dijminahiya jinan e.
Sûcê ku li hemberî aktîvîsta Karavana Gelan hatiye kirin li hemberî hemû jinan hatiye kirin. Bila kesên ev sûc kirine û rayedarên ku li hemberî vê yekê bêdeng mane, baş bizanibin ku;
Em ê vê bûyerê bişopînin. Ji bo ku fail werin darizandin ya ji destê me tê em ê bikin.
Em ê teqez hesabê vê êrîşa li hemberî têkoşîna me ya jinên enternasyonalîst bipirsin!’’
