Komîsyona Propaganda û Weşanê ya Çapemeniya DEM Partiyê, bi wesıleya 6’ê Nîsanê Roja Rojnamevanên Hatine Kuştin daxuyaniyeke nivîskî weşand.
Komîsyona Çapemeniya DEM Partiyê, diyar kir ku rojnamevan mafê gel ê wergirtina agahiyan diparêzin û got ku ji ber vê ji aliyê desthilatdariyê ve bi tundî û zextan re rû bi rû dimînin. Komîsyona Çapemeniyê, destnîşan kir ku rojnamevanên ku heqîqetê derdixin holê, dibin hedefa sîstemê. DEM Partiyê got, rojnamevanên li pey heqîqetê nemir in.
Komîsyona Çapemeniya DEM Partiyê, da zanîn ku bi taybetî li Kurdistanê rojnamevan bi zext, sansûr, girtin û kuştinan demek dirêje hewl tê dayîn bên bêdengkirin û got ku di 5 salên dawî de 15 rojnamevan di êrîşên leşkerî de hatine qetilkirin û anî ziman ku ev rojnamevan ji ber sûcên şer û binpêkirinên mafan belge kirine, hedef hatine girtin.
Komîsyona Çapameniya DEM Partiyê, destnîşan kir ku ew ê parastina çapemeniya azad û mafê agahî girtina gel bidomînin û rojnamevanên hatine qetilkirin bi rêzdarî bi bîr anîn û soza berdewamkirina têkoşîna wan da.
