Endamên Komîsyona Hevgirtina Neteweyî, Xwişk- Biratî û Demokrasiyê yên DEM Partiyê têkildarî parvekirina kurtegirtekên hevdîtina bi Rêber Apo re daxuyaniyeke nivîskî dan. Di daxuyaniyê de daxwaza parvekirina tevahiya girtekê kirin.
Daxuyanî bi vî rengî ye: “Em di destpêkê ve dibêjin ku hevdîtina bi birêz Abdullah Ocalan re divê bi awayekî şefaf bê parvekirin. Zelalbûn xwedî derketina civakê jî zêde dike. Birêz Abdullah Ocalan ku aktorê serekê yê pêvajoya Aştî û Civaka Demokratîk e bi awayekî parçe parçe nêrînên wî yên hevdîtinê dayin û bi kêm û şîroveyên subjektîv ragihandina nêrînên wî; beriya her tiştî rola birêz Ocalan a pêvajoyê teng dike û ji nîqaşan re vedike. Xetereyeke bi vî rengî derdixîne holê. Ev yek li dijî berpirsyariyên di vê pêvajoyê de hatine girtin, sozên hatine dayin û nêzîkbûna pêvajoyê ye.
Weke DEM Partiyê me daxwaz kir ku hemû girtekên hevdîtinê ji raya giştî re bê parvekirin. Lê tevî israrên me jî Seroktiya Meclîsê şûna ku hemû girtekan parve bike, metnek kurtkirî ya li ser bingeha vegotinek neyekser pêşkeşî raya giştî û komîsyonê kir. Endama me ya çûbû Girava Îmraliyê tevlî vê metna ku hatiye amade kirin nebûye.
Ev yek hem nirxandinên birêz Abdullah Ocalan bi tendurist û giştî nade fêmkirin û hevokên ji babetê qut, bal kişandinên bijartî û hevokên kêm hatine girtin, rê li ber gelek spekulasyonan vedike. Em vê nêzikatiya rê li ber nîqaşan vedike red dikin.
Ji bo me ya esas ew e ku zimanekî li hemberî hemû aliyên pêvajoyê û civakê dirust, hevgirtî û xwedî berpirsyar bê bikaranîn. Em vê yekê diparêzin; gotinên birêz Ocalan nekin malzemeya hesabên navxweyî ya partiyan û gotinên wî bi awayekî zelal parve bikin.
Ji ber vê yekê em daxwaz dikin ku girtekên hevdîtinê bêkêmanî ji raya giştî re bê parvekirin. Pêvajoya Aştî û Civaka Demokratîk pêvajoyeke cidî û dîrokî ye ku divê ji şîroveyên şexsî, hesabên teng ên siyasî, polemîkên ku li ser hevokên ji babeta xwe hatine qutkirin tê meşandin re neyê hiştin.
li benda şîroveyên takekesî, hesabên siyasî, hevokên ji wateya wan hatiye dûrxistin û rê li ber polemîkan neyê vekirin. Ev mijareke cîddî û dîrokî ye. Li gor rastiya pêvajoyê ragihandineke zelal û giştî bê kirin.”
