Dewleta Tirk a dagirker li bejahiya navçeya Gever a Colemêrgê dest bi operasyona îmhayê kir.
Hat hînbûn ku êrîş li gundên Şîşemzîn, Soryan û Xurekana Seyîda yên herêma Geliyê Diriyan û li bejahiya van gundan hatiye destpêkirin.
Artêşa Tirk deşt, mêrg, gelî û bejahiya her sê gundan dorpêç kir, li hin noqteyên herêmê noqteyên kontrolê danî.
Hat diyarkirin ku li zozanên Astenga Reş, Meydanok, Kaniya Barkirî, Çil Kaniya û Mêranava yên di navbera gundên Şîşemzîn û Xurekanê de tevgera balafirên bêmirov û helîkopteran heye.
