Di lêpirsîna têkildarî xwendekara Zanîngeha Mûnzûrê Gulistan Dokû daneyên nû ketin rojevê.
Li gorî nûçeya JINNEWS’ê qeydên stasyona bazê yên hatin lêkolîn nîşan dan ku Gulistan Dokû qet neçûye ser pira ku hate îdîakirin, lê xwe kuştiye.
Wekî din xuya dike ku di 18’ê Çileya 2020’î de, Tûncay Sonel karta SIM’ê ji Gokhan Ertok ku polîsekî berê li Enqereyê bûye re şandiye û peyam ji şîrketek telekomunîkasyonê û çend şîrketên din ji telefona Gulistan re hatine şandin. Daneyên stasyona bazê jî nîşan didin ku ev peyam bi serketî ji telefona Gulistan re hatine şandin.
Ev jî dide xuyakirin ku telefona Gulistan Dokû heta saet 6:45’ê êvarê di roja windabûnê de vekirî bûye. Rastiya ku karta SIM a Gulistan Dokû çalak bû, nîşan dide ku an ew heta wê demê sax bû, an jî yek ji kesên berpirsiyarê windabûna wê karta SIM a Gulistan Dokû bi kar aniye.
Dema ku hemû tiştên qewimîne tê nirxandin; ji daneyên stasyona bazê ên ku JINNEWS’ê bi dest xistine diyar e ku hemû daxuyaniyên Tûncay Sonel ên li ser SIM karta ku wî îdia dikir nayên bîra wî derew derdixe.
