Li bajarê Şarm el-Şêx ê Misrê, lûtkeya aştiyê ya ji bo nirxandina peymana agirbestê ya li Xezeyê ketibû meriyetê, bi beşdariya gelek serokên welatan pêk hat. Di lûtkeyê de, “Beyankirina Niyetê ya ji bo Xezayê” hate îmzekirin.
Serokê DYE’yê Donald Trump, di axaftina xwe ya di lûtkeyê de got, “Me dawî li pevçûna 3 hezar salî anî. 35 welatan piştgirî dan peymana Xezeyê. Pêvajoya ji nû ve avakirinê dest pê dike.”
Serokomarê Misirê Abdulfettah es-Sîsî jî got “Peymana Xezeyê deriyê serdemeke nû ya aştiyê li Rojhilata Navîn vedike. Rêya yekane ya aştiyê çareseriya du-dewletî ye.”
Di nav wan de Serokomarê Fransayê Emmanuel Macron, Serokwezîrê Îngiltereyê Keir Starmer, Serokwezîrê Elmanyayê Friedrich Merz û Serokê Dewleta Filistînê Mehmûd Ebbas hebûn, gelek serokên welatan beşdarî lûtkeyê bûn.
Serokwezîrê Îsraîlê Binyamîn Netanyahû beşdarî lûtkeyê nebû.
