Berdevkê Talîban Zabihullah Mucahid diyar kir ku operasyon weke bersiva êrîşên hewayî yên artêşa Pakistan ên li ser xaka Pakistanê, hate pêkanîn.
Mucahid di civîna çapemeniyê ya roja yekşemê de wiha got, “Di operasyona bersivdanê ya tevahiya şevê de, 58 leşkerên Pakistanê mirin, 30 jî birîndar bûn. Ji hêzên Talîban jî 9 şervanan jiyana xwe ji dest dan.” Aliyê Pakistanê jî hîna ev bilanço piştrast nekiriye.
Serokwezîrê Pakistanê Şahbaz Şerîf di daxuyaniya xwe ya 12’ê Cotmehê roja yekşemê de, Efganistan bi “provokasyonê” sûcdar kir û êrîş şermezar kirin. Şerîf ev tişt anî ziman: “Wê qet ji parastina Pakistanê tawîz neyê dayîn. Her provokasyon wê bersiveke xurt û bi bandor bibîne.”
Roja pêncşemê ya borî, piştî teqînên li başûrêrojhilatê Kabîl û Efganistanê, tengasî zêde bû. Rêveberiya Talîban, Pakistan weke berpirsyarê van êrîşan nîşan da. Îslamabad jî îdîa red kirin.
Li ser sînor, bi taybetî piştî şerê dijwar ê li wîlayetên Kunar, Nangarhar, Paktia, Khost û Helmand, Talîban ragihand ku ber bi nîva şevê ve operasyon bi dawî bûye.
