Dadgeha Silêmaniyeyê doh êvarê fermana binçavkirinê ji bo Serokê Eniya Gel (Berey Gel) Lahûr Şêx Cengê derxist. Doh bi şev di navbera hêzên Asayîşa Silêmanî yên ku hewl didan bikevin Otêla Lalezarê ku Lahûr Şêx Cengî lê bû û hêzên girêdayî Lahûr Şêx Cengî de pevçûn derket. Piştî şer û pevçûnên dijwar ên 3 saetan, serokê Eniya Gel Lahûr Şêx Cengî hate binçavkirin.
Li gorî agahiyan bi Lahûr Şêx Cengî re, birayên wî Polad Şêx Cengî û Aso Şêx Cengî jî ji aliyê hêzên ewlehiyê yên Silêmaniyê ve hatine binçavkirin.
Her wiha hat ragihandin ku berpirsê hêza ‘Dupişk’ ya girêdayî Lahûr Şêx Şengî, Rebwar Hamî Hacî Xalî jî xwe radestî hêzên ewlekariyê kiriye.
Li gorî agahiyên hatine wergirtin, di encama şer û pevçûnên duh bi şev li Silêmaniyê qewimiyîn de, 3 endamên hêzên ewlekariyê jiyana xwe ji dest dan û 15 kes jî birîndar bûne. Birîndar rewşa wan ne giranin, li nexweşxaneya Şar tên dermankirin.
Lê heta niha têkildarî hejmara mirî û birîndarên hêzên Lalezar yên ser bi Lahûr Şêx Cengî ti agahî nehatine parvekirin.
