Ortagus piştî hevdîtina heyeta Dewletên Yekbûyî yên Emerîkayê (DYE) ya bi Serokkomarê Lubnanê Joseph Aoun re daxuyanî da û got, “Me biryara dîrokî ya hikumetê bi kêfxweşî pêşwazî kir. Lê belê êdî mesele ne gotin e, çalakî ye.”
Serokwezîrê Îsraîlê Benyamîn Netanyahû jî rojek berê daxuyaniyek da û anî ziman ku eger hikumeta Lubnanê plana bêçekkirina Hîzbûllahê bixe meriyetê, Îsraîl amade ye ku leşkerên xwe yên li Lubnanê qonax bi qonax vekişîne.
Ortagus got, “Li hemberî her gaveke hikumeta Lubnanê em ê hikumeta Îsraîlê jî teşwîq bikin ku gavê biavêje.”
Ji heyeta DYE’yê Tom Barrack jî diyar kir ku hikumet û artêşa Lubnanê divê heta dawiya mehê planeke şênber a ji bo bêçekbûna Hîzbûllahê pêşkêş bike.
Barrack ragihand ku Îsraîl li hemberî vê planê wê garantiyên ewlekariya sînor û pêşniyarên têkildarî vekişînê pêk bîne.
Li aliyê din Alîkarê Sekreterê Giştî yê Hîzbûllahê Naim Kasim dubare kir ku partiya wan daxwazên li ser çekdanînê red dike.
Hikumeta Lubnanê li pêşberî zextên DYE’yê û êrîşên Îsraîlê di 5’ê Tebaxê de artêş wezîfedar kiribû û jê xwestibû, ji bo Hîzbûllah heta dawiya sala 2025’an bê bêçekirin, planekê amade bike.
Ev biryar weke parçeyek ji agirbesta navbera Hîzbûlah û Îsraîlê tê dîtin ku bi navbeynkariya DYE’yê hate ragihandin.
