Bombardûmana Îsraîl û Îranê ya li hemberî hev bê navber dewam dike, ku 13’ê Hezîranê bi êrîşa Îsraîlê ya li ser Îranê destpê kir.
Îsraîlê êrîş li Tehranê êrîş bir ser navendên hilberîn û avêtina fuzeyan.
Îranê jî gelek fuze avêt Îsraîlê. Servîsa Alîkariya Lezgîn a Îsraîlê Stêrka Davût doh bi şev daxuyaniyek da û diyar kir ku di serî de Hafya û Tel Avîv fuze li gelek navendên enerjiyê û saziyên cemaweriyê yên li gelek herêman ketin.
Fûzeyên balîstîk ên ji Îranê hatin avêtin, li santrala enerjiyê ya bajarê Hafyayê ket. Li herêmê ku navendên elektrîk, petrol û pîşesaziyê lê ne, piştî êrîşê teqînan rû dan.
Ajansa Servîsa Lezgîn a Neteweyî ya Îsraîlê (Magen David Adom(MDA) bi daxuyaniyekê diyar kir ku 3 kes mirin, 74 kes jî birîndar bûn.
Di êrîşa dawî ya Îranê ya li ser Îsraîlê de xisar li Sefaretxaneya Bilind a Dewletên Yekbûyî yên Emerîka (DYE) ya li Tel Avîvê bû.
Ajansa Nûçeyan a Farsê ku nîv fermî ya Îranê ye, ragihand ku kesekî bi hinceta ‘sîxurî’ ji Mossadê re kriiye, hatiye darvekirin.
Wezîrê Parastinê yê Îsraîlê Israel Katz li ser Telegramê daxuyaniyek da û got, “Dîktatorê li Tehranê xwe dibixudîne, veguheriye kujerekî tirsonek û ji bo Îsraîlê ji êrîşên tevizandinê vegerîne bi zanebûn êrîşî eniya navxweyî ya sivîl a li Îsraîlê dike. Şêniyên Tehranê wê berdêla vê bidin – û di demeke nêzîk de.”
