Di çarçoveya operasyona li dijî Partiya Sosyalîst a Bindestan (ESP) û ETHA’yê de 47 kes hatin girtin. ETHA’yê daxuyanî da û ragihand ku bi ser malan û buroyan de hatiye girtin û kel û pelên teknîkê hatine desteserkirin. Hat ragihandin ku rojnamevanên girtî, şandine girtîgehê. Rojnamevan Zuleyha Muldur jî bi şertê kontrola edlî û qedexeya derketina dervey welêt hate berdan.
Ajansê di daxuyaniya li ser hesabên xwe yên medyaya dîjîtal dayî de, banga piştevaniyê li xwîner, dost û saziyên çep-sosyalîst kir û banga “nûçegihantiya bi dilxwaziyê” li rojnamevanan kir.
ETHA’yê xwest ku welatî bûyerên civakî û çalakiyan qeyd bikin û ji ajansê re bişînin û bang li hempîşeyên xwe jî kir ku bi nûçeyên taybet û roportajan tevkariyê li ajansê bikin.
Di daxuyaniyê de her wiha ji bo buro car din dest bi fealiyetê bikin banga piştgiriya teknîkê hate kirin û hate xwestin ku ji bo rojnamevanên girtî name bên nivîsandin û Rojnameya Atilim were belavkirin.
Di daxuyaniyê de ev jî hate gotin, “Hûn dikarin bi şopandina hesabên me yên medyaya dîjîtal û bi parvekirinê sansura li ser me bidin rakirin.”
