Li gorî malpera Dengê Binçavkiriyên Kurd û Îranî, jina Kurd a bi navê Ezîze Muradiyan a xelkê gundê Tengîser a ser bi bajarê Sine ya Rojhilatê Kurdistanê, li girtîgeha Sine 8 roj in li dijî bê edaletî û binçavkirinê dest bi greva birçîbûnê kiriye.
Heman çavkaniyê ragihand ku Ezîze nexweşe, tevî rewşa tenduristiya wê xirabe jî ji dema hatiye binçavkirin ve nehatiye tedawîkirin.
Di derbarê ceza yan jî doza Ezîze de ti agahî nehatin parvekirin.
Ezîze di vê meha Kanunê de ji aliyê hêzên Îranê ve li cihê wê yê kar ya li Merîwanê, hatibû binçavkirin. Hêzên îstîxbarata Îranê di dema binçavkirinê de, li cihê kar lêgerîn kiribûn û gelek kel û pel desteser kiribûn.
