Siyasetmedar Faysal Sariyildiz anî ziman ku di Pêvajoya Aşitî û Civaka Demokratîk de divê dewlet ne bi hesabên siyasî yên serdemî nêzîkî pêvajoyê bibe, divê bi nêzîkatiyeke stratejîk tev bigere. Faysal Sariyildiz diyar kir ku biryara têkildarî bidawîkirina têkoşîna çekdarî ya gelê Kurd hatiye pejirandin û got ku dirêjkirina pêvajoyê zirarê dide baweriya civakî û divê tavilê mekanîzma bikevin dewrê.
Siyasetmedar Faysal Sariyildiz piştre got ku divê dewlet li hemberî biryara stratejîk a gelê Kurd nêzîkatiyeke serdemî û konjonkturel nîşan nede û ev yek anîn ziman: ‘’Li hemberî biryareke stratejîk a bi vî rengî divê dewlet jî weke serdemî û konjonkturel nêzîk nebe berovajî wê divê stratejîk nêzîk bibe. Di serokatiya Birêz Ocalan de biryareke pir stratejîk hate girtin. Gelê Kurd, weke milyonan ev biryar pejirand.’’
‘GELÊ KURD WÊ TÊKOŞÎNA DEMOKRATÎK BIDOMÎNE’
Siyasetmedar Faysal Sariyildiz di dewama axaftina xwe de bi bîr xist ku gelê Kurd di pêvajoya têkoşîna 40-50 salan de hişmendiyeke siyasî û civakî ya gelekî girîng bi dest xistiye, anî ziman ku pêvajoya ji niha û pê ve wê li ser zemîna têkoşîna legal û demokratîk pêş biveke û got: ‘’Di nava civaka Kurd de serwextbûneke mezin pêk hat, hişmendiyeke azadiyê ya mezin pêk hat. Ji ber vê yekê ji niha û pê ve gelê Kurd wê ji derfetên têkoşîna legal û demokratîk sûd werbigire, xwedî li daxwazên xwe yên rewa derkeve û têkoşîna xwe ya azadiyê bidomîne.’’
Faysal Sariyildiz piştre diyar kir ev têkoşîn bes ne ji bo gelê Kurd di heman demê de ji aliyê azadî û mafên demokratîk ên hemû civakên li Tirkiyeyê ve girîng e.
‘DIRÊJBÛNA PÊVAJOYÊ ZIRARÊ DIDE BAWERIYÊ’
Siyasetmedar Faysal Sariyildiz destnîşan kir ku bi hêdîka birêvebirina pêvajoyê ji aliyê bendewarî û baweriyê ve dibe sedema derketina pirsgirêkan, diyar kir ku girîng e ku mekanîzmayên hatine avakirin erkên xwe bi cih bînin û bikevin dewrê. Faysal Sariyildiz piştre ev yek anîn ziman: ‘’Divê ev pêvajo were lezandin. Dema ku wiha tê dirêjkirin baweriya civakê ya ji vê pêvajoyê re zirarê dibîne. Potansiyela bandorên neyînî yên derve ên li ser pêvajoyê zêde dibin. Bi rastî jî ger hizra başiya hevpar û pêşeroja civka Tirkiyeyê tê kirin wê demê divê êdî gelekî berê xwe nedin tiştên teknîkî û detayên biçûk.’’
‘BIRAYARA DANÎNA ÇEKAN DAWIYÊ LI TÊKOŞÎNA AZADIYÊ NAÎNE’
Faysal Sariyildiz piştre bal kişand ser îradeya gelê Kurd yaku têkoşîna çekdarî êdî ne weke amûreke têkoşîna azadiyê dibîne û diyar kir ku ev yek nayê wateya bidawîbûna têkoşîna demokratîk û got: ‘’ Gelê Kurd dibêje ku weke amûreke têkoşîna azadiyê ez ê dev ji çekê berdim. Ji ber ku çek beriya niha bi awayekî mecbûrî hatiye hilbijartin. Lê belê ev 30 sal in bi taybetî jî ji sala 1993’yan ve ye Birêz Ocalan tim û tim îfade dike ku divê ev şert û merc biguherin, têkoşîna çekdarî bi dawî bibe û tim di nava lêgerîna muxatabekî de ye.’’
‘DIVÊ JI BO BI HEZARAN ÎNSANÊN DERVEYÎ WELÊT QAD VERIN VEKIRIN’
Faysal Sariyildiz di dewma axaftina xwe de got ku li gel pêşketina pêvajoyê divê pêşî li beşdariya têkoşîna demokratîk a li Tirkiyeyê ya bi hezaran însanên derveyî welêt bê vekirin û got ku ev yek wê ji bo başiya hevpar a Tirkiyeyê be û ev yek anîn ziman: ‘’Em bi hezaran însanên li derveyî welêt li bendê ne ku di nava têkoşîna demokratîk a li Tirkiyeyê de cih bigirin. Ji ber vê yekê divê ji van însanan re qadek were vekirin. Ev yek vê ji bo başiya hevpar a Tirkiyeyê be.’’
Siyasetmedar Faysal Sariyildiz di dawiya axaftina xwe de got ku derveyî nêzîkatiya dewletê divê gelê Kurd têkoşîna xwe ya demokratîk xurt bike û ev yek anîn ziman: ‘’Bêyî nêzîkatiya dewletê em ê bi nêzîkatiya xwe lê binêrin û bala xwebidinê. Ji bo têkoşîneke bihêztir divê dînamîkên civakê bibin yek, ji bo bi hev re û di nava koordînasyonekê de di nava têkoşîna azadî û wekheviyê de cih bigirin divê em xwe organîze bikin.’’
Siyasetmedar Faysal Sariyildiz di dawiya axaftina xwe de got ku derveyî nêzîkatiya dewletê divê gelê Kurd têkoşîna xwe ya demokratîk xurt bike û ev yek anîn ziman: ‘’Bêyî nêzîkatiya dewletê em ê bi nêzîkatiya xwe lê binerin û bala xwe bidinê. Ji bo têkoşîneke bihêztir divê dînamîkên civakê bibin yek, ji bo bi hev re û di nava koordînasyonekê de di nava têkoşîna azadî û wekheviyê de cih bigirin divê em xwe organîze bikin.’’
