Federasyona Gaziyên Bakur û Rojhilatê Sûriyeyê bi daxuyaniyeke nivîskî Cejna Qurbanê pîroz kir.
Daxuyanî bi vî rengî ye:
“Weke Federasyona Gaziyên Bakur û Rojhilatê Sûriyeyê em Cejna Qurbanê ya gelên Misilman ên Rojhilata Navîn, tevahî malbatên şehîdan û gaziyên şer ji dil û can pîroz dikin.
Em hêvîdar in ev cejna pîroz, aştî û aramiyê bîne herêma me. Her wiha em bi hêvî ne Cejna Qurbanê weke mînaka wê di şoreşa Bakur û Rojhilatê Sûriyeyê de bi rengekî herî berbiçav xuya dike, xwişk û biratiya gelan, piştevanî û parvekirineke adîlane mayînde bike û pêş bixe.
Tevahî cejn rojên welê ne ku bi bêhna xwe coş, hizûr û kêfxweşiyê di rûyê mirovan û xwezayê de diteyisîne. Di vê pêvajoya nû ya bi banga Rêber Apo re hêviyên jiyaneke azad û wekhev bi her awayî xuya dike, bi hatina Cejna Qurbanê re xwedîderketina li pêvajoyê wê xwişk û biratiya nav gelan xurttir bibe.
Bi wesîleya Cejna Qurbanê em tevahî şehîdên xwe yên ji bo jiyana azad a hemû gel û bawerî bi hev re bijîn, fedakariya herî mezin kirin bi rêzdarî bi bîr tînin. Weke gaziyên şer soz didin di rêya şehîdên xwe de heya dawiyê em ê bi gelên xwe re bimeşin. Bi van hestan em careke din Cejna Qurbanê ya gelên Misilman pîroz dikin. Em bang li gelên xwe dikin ku li hember zilm, dagirkerî û êrîşan bêdeng nemînin û yekîtiya xwe ji her demê zêdetir xurt bikin.”
