Fermandariya Yekîneyên Parastina Rojhilatê Kurdistanê (YRK) bi peyamekê Şehîd Argêş Hewraman ku di 22’yê Adara 2025’an de li herêma Xakurkê şehîd bû, bir bîr anî.
Peyama YRK’ê wiha ye:
“Di serî de em weke Yekîneyên Rojhilatê Kurdistan bi bihîstina şehadeta şehîd Argeş Hewraman em gelekî xemgîn bûn û heta dawiyê bi êşa gelê xwe yê Hewramanê re ne û ji malbata hevrê Argeş Hewraman re sersaxiyê dixwazin.
Rêhevalê me Argeş Hewraman bi hestê ku ji roja ewil gerîlayan nas dike û heya dawiyê bi wî hestê jiya. Ew hest ji bîr nekir û berovajî wê weke gerîlayekî girêdayî xeta Apoyî her tim di kesayeta xwe de mezin kir û da jiyankirin.
Şehîd Argeş di nava xebatên Rojhilatê Kurdistanê de xwedî wê kesayetê bû ku nêzî 10 salan kar û xebat da meşandin û di nava wan salan de di nav dilê her kesî de xwe bi cih kir û fikir û felsefeya Rêber Apo bê dûdilî ji bo her kesî belav kir. Bêyî ku rawestandinê bizanibe şev û roj kar kir, bibû aşiqê jiyana gerîlayan û her tim li cihên herî zehmet gerîlatî kir.
Şehîd Argeş xwedî wan taybetmendiyan bû ku fedekar û kedkar bû û di nav jiyanê de her tim dilnizim û mutewazî bû. Bi çanda ji malbat û herêma Hewramanê girtibû, bi naskirina Rêber Apo re her tim mîna derwêşekî jiyan kir û pîvanên yek loqme, yek xirqe ji bo xwe kir pîvan û bi vî awayî di nav şertên herî dijwar de jî bi manewiyateke pir mezin jiyan kir û pê bawer kir.
Em pir baş dizanin ku hemî kesên ku şehadeta Şehîd Argeş bihîstine gelekî xemgîn bûne. Weke rêhevalên Şehîd Argeş Hewraman em ê heta dawiyê pîvanên ku Şehîd Argeş ji bo xwe esas digirt û di xwe de mezin dikir ji bo xwe esas bigirin, em ê her tim sekin û dilgermiya bêhempa ya Şehîd Argeş ji bo xwe esas bigirin. Di nav refên me de keda bêhempa û hezkirina bêdawî ya li beranberî jiyana gerîla ya Şehîd Argeş Hewraman wê tu caran neyê jibîrkirin. Heta dawî em ê lê xwedî derkevin û jê re layiq bibin.
Li ser vî esasî em careke din ji malbata rêhevalê xwe Argeş Hewraman û ji hemû herêma Hewramanê ya welatparêz re sersaxiyê dixwazin. Heta dawî em ê şopdarê xeta şehîdên xwe bin û kesayetên bi vî rengî wê tu carî di nava refên me de neyên ji bîr kirin.”
