Forûm bi beşdariya Tevgera Ekolojiyê ya Mezopotamyayê, Şaredariya Bajarê Mezin a Amedê, Kampanya Xwedîderketina li Dîcleyê, TMMOB, Komeleyên Ekolojiyê yên Wan û Mêrdînê, rêxistinên hawirdorê yên ji Iraq û Sûriyeyê pêk tê û wê 3 rojan dewam bike.
Fatîh Şahîn di destpêka forûmê de axivî û diyar kir ku forûm wê bala xwe bide ser têkçûnên ekolojîk ên li Dîcle, Firat û Gola Wanê.
Hevşaredarê Bajarê Mezin ê Amedê Dogan Hatûn anî ziman ku av hîn jî weke çekekê tê bikaranîn û got, “Av çek nîne.” Dogan Hatûn bi dewamî got, “Xala destpêkê ya mirovahiyê Mezopotamya ye. Mezopotamya keleha kedê ye. Îro jî av bi vê rolê radibe.”
Hevseroka Giştî ya DBP’ê Çîgdem Kiliçgun Ûçar jî zanî ziman ku kapîtalîzm çavkaniyên avê talan dike û got, “Divê em xwedî li xweza û çavkaniyên xwe yên avê derkevin.” Çîgdem Kiliçgun Ûçar got, “Eger em dest bidin hev û li ber xwe bidin, em di wê baweriyê de ne ku em ê karibin xweza û çavkaniyên xwe yên avê rizgar bikin.”
Ji Tevgera Ekolojiyê ya Mezopotamyayê Derya Akyol jî ragihand ku av ne tenê ji bo mirovahiyê ji bo tevahiya ekosîstemê jiaynî ye. Derya Akyol got, “Paşeroja mirovahiyê tenê bi ahengiya bi xwezayê û parastina çavkaniyên avê dibe.”
Forûm li Navenda Kongreyê û Çandê ya ÇandAmedê tê lidarxistin û rûniştina duyemîn li çapemeniyê girtî dewam dike.
