Wezaretê di daxuyaniya xwe de got: ‘’Fransa bang li hemû aktorên Sûrıyeyî û herêmî dike ku şer û pevçûnan rawestînin û bang li rayedarên Sûriyeyî dike ku ji bo jinûvedabînkirina aramiya herêmê ya ji destê wan tê bike.’’
DIVÊ ÎSRAÎL XWE JI ÇALAKIYÊN YEKALÎ DÛR BIXE
Wezareta Karên Derve her wiha bang li Îsraîlê jî kir ku xwe ji çalakiyên yekalî ên bibin sedema zêdebûna rageşiya li herêmê xwe dûr bigire.
DI NAVA DU ROJAN DE 73 KES HATINE KUŞTIN
Navenda Çavdêriya Mafên Mirovan a Sûriyeyê (SOHR) ragihand ku li Sûriyeyê di encama şer û pevçûnên du rojên dawîn de herî kêm 73 kes hatine kuştin ku piraniya wan şervanên Durzî ne.
SEROKÊ DURZIYAN NERAZÎBÛN NÎŞAN DA
Roja Pêncşemê serokekî olî yê Durziyan li hemberî êrîşên li ser civaka Durziyan nerazîbûnên xwe nîşan dan û erîşên berbehs weke ‘’kampanyaya qirkirinê’’ pênase kirin
Şêx Hîkmet el Hacrî yê ku weke mezintirîn serokê rûhanî yê Durziyên li Sûriyeyê tê qebûlkirin di daxuyaniya xwe de bûyerên li Jaramana û Sahnayê weke ‘’hedefgirtina welatiyên sivîl a neheq’’ û ‘’kampanyaya qirkirinê’’ pênase kirin û bang li hêzên aşitiyê yên navneteweyî kir ku li hemberî bûyeran bê deng nemînin.
