Şervanên QSD, YPG û YPJ’ê yên ku Girtîgeha Eqtanê ya Reqayê diparastin, ku bi hezaran çeteyên DAÎŞ’ê lê girtî bûn, bi biryara QSD’ê re vekişiyan cihên ewle.
Şervan gihîştin bajarê Kobanê û ji aliyê gel ve hatin pêşwazîkirin.
Girseya gel li navenda bajêr li Qada Jin a Azad şervanên xwe pêşwazî kir.
Şervanên QSD, YPG û YPJ’ê ji 18’ê Çileyê û vir ve li hemberî êrişên giran ên çeteyên DAÎŞ, HTŞ û dewleta Tirk li girtîgeha Eqtanê li ber xwe didan û nedihiştin çeteyên DAÎŞ’ê birevin.
QSD’ê îro bi daxuyaniyekê ragihand ku bi piştgiriya Koalîsyona Navneteweyî şervanên wan ên li Girtîgeha Eqtanê derbasî qadeke ewle bûne.
