Gelê Şengalê li ber avahiya Meclisa Bajarê Şengalê heya ber avahiya Dibistina Zerîfa Osê meşiyan. Di meşê de dirûşmeyên “Bijî berxwedana YBŞ’ê”, “Bijî berxwedana Şengalê” û “Bijî Adalet, bimre xiyanet” hatin berizkirin.
Jin, zarok û mêr pankartên bi nivîsa ‘’Em bi hêza xwe re ne, YBŞ’ê nûnertiya me dike” û “Bese Ji fermanan re ‘’ hilgirtin.
Li ber avahiya Dibistana Zerîfa Osê li ser navê gel daxuyanî hate dan.
Daxuyanî bi deqîqeyek rêzgirtinê ji bo rihê şehîdan destpê kir. Daxuyanî ji aliyê Endama Yekitiya jinên Ciwan Sara Botan ve hate dayîn.
Naveroka daxuyaniyê wiha ye:
Di destpêka daxuyaniyê de êrîşên 18’ê Adarê yên li dijî YBŞ’ê hatin şermezar kirin.
Hate bi bîrxistin ku di 18’ê Adarê de êrîşekî ne merdane ji aliyê artêşa Iraqê ve li ser hêzên YBŞ’ê hate kirin û wiha hate gotin: “Em wekî civaka Êzidî û hemû pêkhateyên Şengalê ji roja êrîşê heya neha bê navber li ser piyan e. Heya ku em bikaribin em ê van pilan û êrîşan vala derbixin.”
Di berdewamiya daxuyaniyê de hate destnîşankirin ku ji 18’ê Adarê ve 5 şervanên wan di destê artêşa Iraqê de ne û di nava wan de birîndar jî hene û wiha hate gotin: “Her kes dizane ku di sala 2014’an de şervanên YBŞ’ê bi bedelên pir giran biha civaka Êzidî ji nava pençen qirkirinê rizgar kirin. Ev hêzên me yên ku civakê ji wê demê heya niha parastin, ji aliyê dewleta Iraqê ve wekî hêzên ne rewa tên binav kirin û naskirin. Lê belê bila dewleta Iraqê baş bizanibe em weka civaka Êzidî û bi taybet ciwanên Êzidî bi hemû hêza xwe li pişt hêza xwe ne û bi hêza xwe re ne ji ber ku yên xwedî li me û hebûna me derketî ev şervan bûn.
Daxuyanî bi dirûşmeya ‘’Bijî Adalet, Bimre Xiyanet” bi dawî bû
