14 Girtiyên siyasî yên li Girtîgeha Tîpa L a Espiye ya Gîresunê dimînin, ji Serokatiya Meclisê û DEM Partî, AKP, CHP û Partiya Saadetê re name şandin.
Di nameya xwe de girtiyan xwestin ku ji bo rakirina tecrîda li ser Rêberê Gelê Kurd Abdullah Ocalan û çareserkirina pirsgirêka kurd a bi rêyên demokratîk berpirsyartiyê li xwe bigirin.
Nameya ji hêla Metîn Uyar, Ridvan Demîr, Baba Akturk, Yahya Guneş, Abdulvahap Işikli, Îsa Arslan, Adîl Başaran, Hebûn Ulaş, Aydin Oguz, Mehmet Acar, Fuat Taşkin, Abdulselam Şeyhmûz, Abdullah Ecer û Şeyhmûs Koç ve hatiye şandin wiha ye:
“Geşedanên li Rojhilata Navîn û Tirkiyeyê û pirsgirêkên krîz û krîzan rê li ber vekirin tenê dikare bi rêbazên çareseriya demokratîk ên berfireh were çareserkirin. Bi rol û hewldanên Rêberê gelê Kurd birêz Abdullah Ocalan ên di vê mijarê de tê zanîn. Lê belê birêz Ocalan ev 25 sal in li Girtîgeha Girava Îmraliyê tê ragirtin, tecrîdeke giran li ser heye û sepanên dij-demokratîk lê tên erzkirin. Vê yekê ji çareseriyê zêdetir, rê li ber neçareseriyê vekir.
Mixabin fatûreya sepanên dij-demokratîk ên li Îmraliyê li dijî birêz Ocalan di meriyetê de ku gav bi gav li seranserî welêt hatine belavkirin, gelên Tirkiyeyê didin. Eşkere ye ku sedema sereke ya krîzên siyasî, hiqûqî, aborî û civakî yên em niha dijîn; polîtîkayên ewlehîperest û dij-demokratîk in ku navenda wan Îmrali ye û li seranserî welêt hatine belavkirin. Ji ber vê sedemê; çareseriya demokratîk a pirsgirêka kurd dê ji rastiya dîrokî û rojane ya welatê me re bibe bersiv. Di heman demê de dê rê li ber pêşketina demokratîk û azad a gelên me veke. Bi vê boneyê;
Ji bo birêz Abdullah Ocalan bikare hewldanên xwe yên ji bo çareseriya demokratîk û aştiyeyê bidomîne, bi armanca avakirina şert û mercên ewlehî û azadiya wî, me di 27’ê mijdara 2023’yan de dest bi greva birçîbûnê ya bêdem û dorveger kir a ji bo 10 rojan kir. Em dixwazin ku hûn li hemberî vê çalakiyê bêdeng nemînin, di vê mijarê de bi rola xwe rabin, bikevin nava hewldanan û berpirsyartiyê li xwe bigirin.”
