Bi wesîleya 33’yemîn salvegera şehadeta fermandara Bêrîtan Hêvî (Gulnaz Karataş) de endama Federasyona Gaziyên Bakur û Rojhilatê Sûriyeyê û gaziya şer Sorxwîn Çîçek Têkoşîn nêrînên xwe ji ANF’ê re parve kirin.
Gaziya şer Sorxwîn di destpêka axaftina xwe fermandar Bêrîtan bi bîr anî û got, “Bêrîtan ji bo me bû pêşeng û serkêşa artêşbûna jinên Kurd. Em weke jin û civak deyndarên leheng Bêrîtan in. Em
gihandin vê asta bilind a têkoşînê. Fermandar Bêrîtan bi zanebûn û helwesta xwe xiyanetê têk bir. Piştrast kir ku di jina Kurd de, welatparêzî û berxwedan hîn zêdetir li pêş e. Bi sedan jinên qehreman li ser xeta Bêrîtan canê xwe feda kirin. Em minetdarê hemûyan in.”
Sorxwînê diyar kir ku fermandar Bêrîtan tevî hevaleke nû bû jî di demeke pir kurt de fikir û felsefeya Apoyî fêm kiribû û wiha domand, “Hevala Bêrîtan rastiya Rêbertî pir baş fêm kiribû. Lewma di rapora
ji Rêber Apo re şandibû de gotibû, ‘Ez dixwazim bi sûdgirtina ji tehlîlên Rêbertî romanekê binivîsim.’ Bêrîtan hevaleke bi kûrahî hewl dida Rêbertî fêm bike. Ev bi berxwedana xwe ya li hember dagirkeriyê û hêzên xiyanetkar, di asteke herî dîrokî de nîşan da. Heval Bêrîtan ji bo têkoşîna xwe bilind bikin, ji jinên Kurd re bû find û fener. Em ê bêteredut di xeta fermandara xwe Bêrîtan de bimeşin.”
Gaziya şer Sorxwîn di dewama axaftina xwe de destnîşan kir ku Bêrîtan sembola berxwedana li dijî her cure xiyanetê ye û wiha axivî, “Heval Bêrîtan keçeke ciwan a ji herêma Dersimê bû. Jineke wêrek û zana bû. Dibe ku min qehreman Bêrîtan weke şexs nedîtibe, lê vîn, ruh û fikrê wê di can û bedena
min de digeriya û min jî da ser şop û ronahiya têkoşîn û berxwedana wê. Hevala Bêrîtan Hêvî ji me jinan re serkêşî kir û em kirin artêş. Soz didim fermandara xwe ku heya hênasa xwe ya dawiyê ez ê têbikoşim û bibim şopdarê wê. Banga min ji tevahî jin û ciwanan ew e li ser xeta fermandar Bêrîtan beşdarî têkoşîna şoreşgerî bibin.”
