Ji rêveberên Hêzên Ewlekariya Hundirîn ên Hesekê Zurêr Miêş, ji ANHA’yê re li ser rewşa ewlehiyê ya li Hesekê axivî û diyar kir, ku Hêzên Ewlekariya Hundirîn, ji bo ewlehî û aramiyê li bajêr 24 saetan di rewşa amade û hişyariyê de ne.
Miêş destnîşan kir ku Hesekê aram û ewle ye û got, “Rewşa bajêr di bin kontrolê de ye.”
Miêş da zanîn ku rewşa ewlehiyê ya bajêr bi roj baş e, lê bi şev şaneyên veşartî hewl didin ewlehiya bajêr têk bibin û êrişî dewriye û hêzên leşkerî dikin ku derfetên talan diziyê çêbikin.
Der barê tedbîrên ewlehiyê yên ku ji aliyê Hêzên Ewlekariya Hundirîn ve li bajêr hatine girtin, de Miêş diyar ku wan hejmara xalên kontrolê yên li ketin, derketin û di nav bajêr de zêde kirine, her wih hejmara endamên ewlehiyê li van xalên kontrolê û dewriyeyên roj û şev di nav taxên bajêr de jî zêde kirine.
Miêş anî ziman ku Hêzên Ewlekariya Hundirîn bi moralek bilind, fedakarî û baweriyek mezin, bi hevkariya şêniyên ku taxan diparêzin û Hêzên Parastina Civakê dixebitin û got: “Em ê rêya ku me dest pê kiriye heta ku serkeftin pêk were temam bikin.”
Zuhêr Miêş bang li şêniyan kir ku bi hêzên ewlehiyê re hevkariyê bikin û ji bo ewlehî û aramiyê de piştgiriyê bidin wan û got, “Kurd îro di qonaxek dîrokî re derbas dibin.”
