Cîgirê Serokê Tevgera Şîa Naîm Kasim, roja Înê hikûmet bi “teslîmkirina welêt ji Îsraîlê re” tawanbar kir û got ku ev plan “dikare rê li ber şerê navxweyî veke.”
Kasim, vê daxuyaniyê piştî hevdîtina bi Serokê Konseya Bilind a Ewlekariya Neteweyî ya Îranê Elî Larîcanî re, li Beyrûtê li ser televîzyona Al-Manar kir.
Serokê Hîzbûllahê got, “Ev hikûmet fermanên Emerîkî-Îsraîlî pêk tîne da ku berxwedanê bi dawî bike. Eger hewce bike, em ê şer bikin û li dijî vê planê derkevin.”
PLANA HIKÛMETÊ YA BÊÇEKKIRINÊ
Hikûmeta Beyrûtê, di bin zexta Emerîkayê de û ji tirsa zêdebûna êrîşên Îsraîlê, ferman da artêşê ku heta dawiya salê planeke ji bo bêçekkirina Hîzbûllahê amade bike. Ev biryar piştî şerê 2024’an ê bi Îsraîlê re, ku derbeyek giran li Hîzbûllahê da, hat.
Kasim, ku bi têkiliyên xwe yên nêzîk bi Îranê re tê nasîn, got, “Heta ku êrîşên Îsraîlê berdewam bikin, berxwedan dê bidome û çek wê neyên dayîn.”
Kasim, her wiha ji hikûmetê re got, “Wezîfeya we ew e ku hûn welêt aram bikin, ne ku hûn wê radestî Îsraîl an Emerîkayê bikin.”
