Navenda Ragihandin û Çapemeniyê ya HPG’ê di daxuyaniya dayî de, wiha got: “Hevrêyê me Hewrê Çiya bêhesab û bêteredut, xwe fedayê Rêber Apo kiriye. Hevrêyê me yê fedayî di meha Adara 2024’an de, di encama êrîşa dijmin de şehîd bû.”
Di daxuyaniyê de ev tişt jî hatin diyarkirin: “Hevrê Hewrê ewladê şoreşgerger ê bi wêrek û hêja yê gelê me yê Rojhilatê Kurdistanê ye. Jiyana di nava sîstema modernîteya kapîtalîst de nepejirand, jiyana bi daneyî ya Ewropa erê nekir û berê xwe da çiyayên Kurdistanê. Pir zû di gerîlatî û fedayîtiya Apoyî de bû pispor. Hevrê Hewrê bi cesareta xwe ya bilind, îrade, israr û hewldana xwe serketinên girîng bi dest xist. Hevrêyê me Hewrê mîna şêrekî bi ser dijmin de meşiya, mîna bazekî ket nava dijmin û dema pençeyê xwe lêdixist parçe jê diveqetand. Hevrêyê me bû mînaka şênber a fermandariya fedayî ya Apoyî. Bû yek ji fermandarên sembol a gerîlatiya modernîteya demokratîk ku baweriyeke mezin dida hevrêyên xwe, ji gelê xwe re bû hêvî û tirseke mezin jî xistiye dilê dijmin.
Dilê hevrêyê me Hewrê bi hezkirina Rêbertî, gel, welat û hevrêtiyê dagirtî bû. Di dilê hemû hevrêyên xwe de cih girt. Bi serketinên ku bi dest xistî, destanên nû li ser dîroka têkoşîna me zêde kir û navê xwe li dîrokê nivîsand. Hevrêyê me Hewrê bi sekna xwe ya li ser xeta fedayîtiyê, dilsoziya xwe ya bi nirxên neteweyî, bi hevrêtiya xwe ya samîmî û asta xwe ya di sekna fermandariya fedayî ya gerîlatiya modernîteya demokratîk de, wê timî rê nîşanî me bide.
Em ji malbata hêja ya hevrê xwe Hewrê Çiya, gelê Rojhilatê Kurdistanê yê welatparêz û hemû gelê xwe yê Kurdistanê yê welatparêz re sersaxiyê dixwazin. Fedayiyên Apoyî yên mîna Hewrê Çiya hevrêyên çiyayan e diyar dikin ku wê her tim dengê gelê me bilind be, hêviya wê zindî be, baweriya wê mezin be û serketina têkoşîna me wê teqez be. Em soz didin ku em ê têkoşîna xwe bilind bikin da ku bibin layiqê têkoşîna wî.”
Agahiyên derbarê nasnameya gerîlayê şehîd de, wiha hate eşkerekirin:
|
|
Nasnav: Hewrê Çiya |
Di daxuyaniyê de têkildarî jiyan û têkoşîna şehîd, ev tişt hatin gotin:
“Hevrêyê me Hewrê Çiya li bajarê Ciwanro yê Rojhilatê Kurdistanê di nava malbateke welatparêz de hat dinê. Ji ber ku malbata wî welatparêz bû û dilsozê nirxên xwe yên neteweyî bû, hevrêyê me Hewrê girêdayî cewherê xwe yê Kurdîtiyê mezin bû. Ji bo ku tevkariyê li debara malbata xwe bike di temenekî biçûk de di gelek karan de xebitî. Hevrêyê me destpêkê di vê pêvajoyê de pênaseyên ked û nirx nas kir û ev her du pênase kir bingehê jiyana xwe. Ji ber ku malbata wî ji ber sedemên ekonomîk û siyasî koçî Elmanyayê kir, hevrêyê me neçar ma ku ji temenê 12 saliyê û şûn ve li Elmanyayê bijî. Ti carî welatê me Kurdistan ji mejî û dilê xwe dernexist. Di pêvajoya ku li Elmanyayê de, ji bo tevkariyê li debara malbata xwe bike di gelek kar û xebatên cuda de xebitî. Hevrêyê me Hewrê bi kûrahî li ser bêedaletiya sîstema kapîtalîst û çêkera wê ya ku mirov vediguherîne koleyên modern, lêhêrbûn kir. Lewma bi israr tevî hemû polîtîkayên şerê taybet ên sîstema kapîtalîst jî, ji bo parastina cewherê xwe têkoşiya. Hevrêyê me li ser vî bingehî timî geşedanên li Kurdistanê, şopand. Bi taybetî ji têkoşîna ku bi pêşengiya partiya me PKK’ê li dijî dagirkerên Kurdistanê û komên çeteyan tê meşandin, bandor bû. Hevrêyê me weke ciwanekî Kurd li hemberî PKK’ê ku ji bo hebûna gelê me biparêze bi fedayiyane şer dike, bû xwedî eleqeyeke mezin. Li Elmanyayê tevlî xebatên ciwanên şoreşger ên welatparêz bû û hewl da wezîfeyên xwe yên welatparêziyê bi cih bîne. Hevrêyê me di xebatên ku têde cih girtî de, derfet dît hîn baştir rastiya Rêber Apo fêm bike. Bawer kir ku li Kurdistanê azadiya rast encex bi felsefeya Rêber Apo pêkan e. Hevrêyê me Hewrê ji bo vê yekê fikirî ku êdî dem hatiye berpirsyariyê bigire, berê xwe da çiyayên Kurdistanê yên serhildêr û tevlî nava refên gerîla bû.
Hevrêyê me perwerdeya xwe ya destpêkê ya di nava refên gerîla de, li Herêmên Parastinê yên Medyayê dît û bi xwestek û coşeke mezin tevlî nava jiyana gerîla bû. Hevrêyê me kêfxweş bû ku vegerî welat û xaka xwe. Bi vê kêfxweşiyê di demeke kurt de fêrî çiyayan bû. Bi tevlîbûna xwe ya bi cewher û dirûst, ji kêliya destpêkê ve bala hemû hevrêyên xwe kişand. Hevrêyê me fêm kir ku cewherê PKK’ê fedayîtî ye û di tevahiya jiyana xwe ya şoreşgertiyê de ji bo ku weke fedayiyekê bijî û têbikoşe, ketiye nava lêhêrbûnên pir kûr. Hevrêyê me xwe di bîrdoziya Rêber Apo de kûr kir û ti carî navber neda lêhêrbûnên xwe. Pratîk û perwerdeya xwe bi hev re nirxand, roj bi roj xwe di hunera gerîlatiyê de kir pispor. Hevrêyê me Hewrê di gelek xebatan de cih girt û bi tarzê xwe yê paqij, encamên girîng bi dest xist û baweriya hevrêyên xwe qezenc kir. Di pêvajoyên ku êrîş dijmin zêde de û têkoşîna me hîn dijwartir bûyî de, ji bo li qadên herî zehmet cih bigire pêşniyar kirin. Hevrêyê me Hewrê fikirî ku encex bi vî rengî dikare bibe layiqê hevrêyên xwe yên şehîd ku bi wan re li ser heman rêyê meşiyaye. Ji bo vê yekê li her qada ku lê ye, bi hêza ku ji hevrêyên xwe yên şehîd wergirtî hîn zêdetir beşdar bû.
Hevrêyê me Hewrê di rêya milîtaniya Apoyî de xwedî gavên jixwebawer bû û biryar da ku doza xwe ya şoreşgerî, jiyan û têkoşîna xwe girêdayî xeta fedayî bidomîne û tevlî Hêzên Taybet bû. Di nava Hêzên Taybet de di perwerdeyeke xurt re derbas bû û di warên îdeolojiya Apoyî, hunera şer, gerîlatiya profesyonel û tarzê fedaiyane de xwe gelekî pêş xist. Hevrêyê me Hewrê xwedî cesareteke bêhempa bû û cesareta wî ya xwezayî bi hişmendiya milîtaniya fedaî ya Apoyî bû yek. Hevrêyê me Hewrê li hemû qadên ku lê dimîne bi erkên ku digire ser milên xwe girêdayî mîsyona fedaîtiyê bû xwedî tevlîbûn û kedên giranbuha. Hevrêyê me Hewrê girêdayî qaîdeya îdeolojiya Apoyî ku dibêje ‘yek çakêt û yek parî’ di şert û mercên herî dijwar de jî erk girt ser milên xwe ku wezîfeyên herî zehmet jî bi awayekî serkeftî bi cih bîne. Di şert û mercên baş de jî tu carî xwe winda nekir û tu carî dev ji armanc û pîvanên fedakariya xwe berneda. Hevrêyê me baş îspat kir ku di hemû derfet û bêderfetbûnê de fedakariya Apoyî bêkêmasî were nîşandan.
Hevrêyê me Hewrê li dijî êrîşên dewleta Tirk a dagirker ên li ser Rêbertî û gelê me xwedî hêrseke mezin bû û dizanî ku li qada şer jî heman performansê nîşan bide. Hevrêyê me Hewrê bi taybet jî li hemberî êrîşên dewleta Tirk a dagirker ên li ser Herêmên Parastinê yên Medyayê ku ji sala 2021’an ve ev êrîş zêde bûne, weke milîtanekî fedaî yê Apoyî hewl da ku erk û berpirsyariyên xwe bi awayekî serkeftî bi cih bîne û bi sekna xwe ya bi israr xwe gihand armanca xwe. Destpêkê ji bo tevlîbûna têkoşîna destanî ya bi pêşengiya Cumalî, Çavrê û Botan a li Avaşînê bibe, tevlî Yekîneya Şehîd Cumalî Çorûm bû û derbasî herêma Zapê bû. Di pêvajoya têkoşîna li vir de di çalakiyan de cihê xwe girt û di wan çalakiyan de derbên giran li dijmîn hate xistin. Hevrêyê me hêrsa bi salan a di dilê xwe de veguherand çalakiyên serkeftî. Hevrêyê me bi wê hêrsa xwe ya li hemberî dijmin bi ser dijmin ve çû, kete mewziyên wan û derbên giran li dijmîn xist û bi tarzê xwe fethê bi van pratîkên xwe bi awayekî serkeftî pêk anî. Hevrêyê me bû xwedî kedeke mezin ji bo ku herêma Zapê bibe keleheke têkoşînê ya ku tu kes nikaribe bikeviyê.
Hevrêyê me Hewrê li qada şer tecrûbeyên girîng bi dest xist û her wiha di fermadariya Apoyî ya fedaî de jî xwe gihand astên pir bilind. Girêdayî dagirkeriya dijmin a li dijî herêma Zapê, weke fermandarekî tevlî têkoşîna li wir bû. Hevrêyê me bi jirbûna xwe ya taktîkî, tecrûbeyên xwe yên leşkerî û fedakarî û hevaltiya xwe ya jidil di çêkirina tunelên şer û têkbirina dijmîn de bû xwedî rolên girîng. Hevrêyê me Hewrê weke tunelan li qada şerî jî taktîkên gerîla bi awayekî serkeftî bi cih anîn. Hevrêyê me di têkbirina dijmin a têkoşîna sala 2022’yan de bû xwedî rolên girîng. Her wiha û di têkoşîna sala 2023’yan de jî derbên giran li dijmin xist. Hemû kûrbûna xwe li ser derbên ku li dijmin bixe, ava kir. Kûrbûnên xwe yên li ser taktîkên gerîla yên serdema nû bi awayekî serkeftî veguherand çalakiyan û di gelek çalakiyan de cih girt. Weke fermandarekî Apoyê yê fedaî di amadekirin, plankirin û pêkanîna operasyonên şoreşgerî de bû xwedî roleke diyar. Hevrêyê me Hewrê di şerên herî dijwar de jî bi awayekî bêtirs li hemberî dijmin têkoşiya û şer kir. Her wiha hevrêyê me ji bilî vê cesareta xwe ji hevrêyên xwe yên profesyonel re jî erka xwe ya fermandariyê bi cih anî.
Cesaret, têkoşîn, israr û hewldana hevrêyê me gelekî bandor li bidestxistina serkeftinên girîng kir. Ev helwest û asta hevrêyê me bûn wesîle ku operasyonên şoreşgerî yên di salên 2023 û 2024’an de bi serkeftinên mezin werin tacîdarkirin. Hevrêyê me Hewrê bû mînakekî girîng ê fermandariya Apoyî yê fedaî ku weke şêrekî bi ser dijmin de meşiya. Hevrêyê me bû yek ji wan fermandarên mînak û sembol ên gerîlatiya modernîteya demokratîk ku baweriyeke mezin dida hevrêyên xwe û ji gelê xwe re bû hêviyek mezin û di heman demê de jî bû sedem ku di dilê dijmin de jî tirseke mezin ava bibe.
Hevrêyê me Hewrê bû fedaiyekî Rêber Apo yê bêhesab û fedakar, di têkoşîna di van salên dawiyê de ku ji bo gelê me û tevgera me xwedî girîngiyeke mezin e, bi tevlîbûneke serkeftî cihê xwe girt. Hevrêyê me Hewrê bi helwesta xwe, hevaltiya xwe, cesareta xwe û bi fedekarî û performansa xwe ya şer bû fermandarekî Apoyî yê fedayî. Dilê hevrêyê me bi hezkirina Rêbertî, gel, welat û hevalên xwe tiptije bû û di heman demê de karî di dilê hemû hevalên xwe de jî bibe xwedî cihekî girîng. Sekna hevrêyê me Hewrê ya girêdayî xeta fedaî, dilsoziya wî ya ji nirxên me yên neteweyî re û asta wî ya di fermandariya fedaî ya gerîlatiya modernîteya demokratîk de wê tim rê nîşanî me bike. Em weke hevrêyên wî soz didin ku em ê bîranîna wî tim di dilê xwe û têkoşîna xwe de zindî bigirin û di şexsê wî de em soz didin ku em ê layiqê hemû şehîdên xwe bin.”
