Li bajarê Amûdê malbatên dîlgirtiyan li Qada Jina Azad bi daxwaza berdana tavilê ya dîlgirtiyan çalakiyek li dar xist.
Li gorî Peymana 29’ê Çileyê divê hikumeta demkî ya Sûriyeyê pirsgirêka dîlgirtiyan ku li herêmê bûye mijareke girîng çareser bike û bilez dîlgirtiyan berde.
Di çarçoveya rêzeçalakiyên ku malbatên dîlgirtiyan li herêmê li dar dixin de, îro jî li bajarê Amûdê hejmarek malbat û şênî li Qada Jina Azad kom bûn û daxwaza berdana bilez a zarokên xwe kir.
Malbat, şênî û zarokên dîlgirtiyan pankartên “Vegera dîlgirtiyan”, “em zarokên xwe dixwazin”, “dîlgirtiyên me berdin” hildan.
