Navenda Ragihandin û Çapemeniyê ya HPG’ê (HPG-NRÇ) derbarê şehîdan ev tişt diyar kirin:
“Hevrêyên me Demhat Feraşîn, Cesur Spîndarok, Kendal Aras û Jîrwan Mahabad 17’ê Kanûna 2018’an li herêma Garê di êrîşa dijmin de şehîd bûn. Em şehîdên xwe bi rêzdarî bi bîr tînin û destnîşan dikin ku em ê bibin şopdarê xeta şehîdan.
Partiya me PKK’ê xaka mirî ya li ser gelê Kurd hatî rijandin, rakir û li dijî polîtîkayên îmha û înkarê têkoşîneke bêhempa meşand. Hevrêyên me Demhat, Cesur, Kendal û Jîrwan ji vê têkoşînê bandor bûn û her kêliya xwe fedayê azadiya gelê me kirin. Bi hevrêtiyên xwe dilnizm, fedakar, kedkar û dirûst li her qadê bandorên kûr hiştin. Ji bo pêdiviyên jiyana şoreşgerî bêteredut bi cih bînin, hewldanek bêhempa raber kir. Jiyana bi derwêşane ku yek ji taybetmendiyên milîtaniya Apoyî ye, di xwe de şênber kirin û mîrateyeke têkoşînê ya ku nayê jibîrkirin hiştin. Bîranînên pir bi qîmet ku ji me re çavkaniya hêz û moralê ne û wezîfeyên şoreşgerî yên ku divê teqez bên serxistin, ji me re hiştin. Em ê timî bîranînên hevrêyên xwe yên şehîd bidin jiyîn.
Li ser vê esasê em soza xwe dubare dikin ku ala têkoşînê ya ku hevrêyên me Demhat, Cesur, Kendal û Jîrwan dewrî me kirine, bi serketinê bilind bikin. Di serî de malbatên wan ên hêja em ji hemû gelê Kurdistanê yê welatparêz re sersaxiyê dixwazin.
Agahiyên derbarê nasnameya hevrêyên me yên şehîd, bi vî rengî ne:
|
|
Nasnav: Demhat Feraşîn Nav û Paşnav: Ûgûr Daniş Cihê Jidayikbûnê: Şirnex Navê Dayik – Bav: Fatma – Hacî Cih û Dîroka Şehadetê: 17’ê Kanûna 2018’an / Garê |
|
|
Nasnav: Cesur Spîndarok Nav û Paşnav: Vedat Acar Cihê Jidayikbûnê: Edene Navê Dayik – Bav: Emîne – Silêman Cih û Dîroka Şehadetê: 17’ê Kanûna 2018’an / Garê |
|
|
Nasnav: Kendal Aras Nav û Paşnav: Cenap Hopîkoglû Cihê Jidayikbûnê: Erzirom Navê Dayik – Bav: Bedriye – Hacî Cih û Dîroka Şehadetê: 17’ê Kanûna 2018’an / Garê |
|
|
Nasnav: Jîrwan Mahabad Nav û Paşnav: Muawiye Kawa Cihê Jidayikbûnê: Hewlêr Navê Dayik – Bav: Ronak – Kaka Cih û Dîroka Şehadetê: 17’ê Kanûna 2018’an / Garê |
