Navenda Ragihandin û Çapemeniyê ya HPG’ê (HPG-NRÇ) derbarê gerîlayên şehîd ev tişt diyar kir:
“Em hevrêyên xwe Bêrîtan, Brûsk, Hîvda, Dijwar û Qehreman ku di Hezîrana 2019’an de li qadên cuda yên Herêmên Parastinê yên Medyayê gihîştin şehadetê bi rêzdarî û minetdarî bi bîr tînin.
Hevrêyên me ku bi hişmendiyeke mezin a welatparêziyê wezîfeyên xwe yên şoreşgerî bi cih tînin, bi tevlîbûna xwe ya bê dudilî re karîn bibin milîtanên fedaî yên Apoyî. Hevrêyên ku li dijî êrîşên artêşa Tirk bi hişmendiya dîrokî tevdigeriyan û di pêkanîna taktîkên demê de israr kirin, li qadên herî dijwar bi erkên şoreşgerî rabûn. Hevrêyên me yên têkoşîna fedaiyane esas girtin û ji vê xwe nedan paş, karîn wateyeke mezin bidin her kêliya têkoşîna xwe û bigihijin serketinê. Ji bo vê jî hevrêyên me Bêrîtan, Brûsk, Hîvda, Dijwar û Qehreman ku di dilê hemû hevrêyên xwe de cih girtin, ji bo me jî wê bibe sedem ku em hê bêhtir têbikoşin.
Em soza xwe dubare dikin ku ala têkoşînê ya ku hevrêyên me yên bi nirx ku destkeftiyên gelê me bi berdêla jiyana xwe parastin û dewrî me kirine bi hişmendiya ku bibin layiqê hemû şehîdên xwe tevbigerin.
Em sersaxiyê ji malbatên hevrêyên xwe Bêrîtan, Brûsk, Hîvda, Dijwar û Qehreman û tevahiya gelê Kurdistanê yê welatparêz re dixwazin.
Agahiyên derbarê nasnameyên hevrêyên me yên şehîd bi vî rengî ne:
|
|
Nasnav: Bêrîtan Harûn Nav û paşnav: Bêrîvan Araz Cihê jidayikbûnê: Sêrt Navê dayik û bav: Hasîbe-Mehmet Cih û dîroka şehadetê: 15 Hezîran 2019/ Metîna |
|
|
Nasnav: Brûsk Andok Nav û paşnav: Yusuf Buluk Cihê jidayikbûnê: Wan Navê dayik û bav: Behîce- Gurgîn Cih û dîroka şehadetê: 4 Hezîran 2019/Xakûrkê |
|
|
Nasnav: Hîvda Pîrosî Nav û paşnav: Rojbîn Akdogan Cihê jidayikbûnê: Şirnex Navê dayik û bav: Sarya- Hazim Cih û dîroka şehadetê: 6 Hezîran 2019/ Herêmên Parastinê yên Medyayê |
|
|
Nasnav: Dijwar Leter Nav û paşnav: Cavît Alpaslan Kilinç Cihê jidayikbûnê: Mûş Navê dayik û bav: Vesîle- Fuzr Cih û dîroka şehadetê: 6 Hezîran 2019/ Xakûrkê |
|
|
Nasnav: Qehreman Kobanê Nav û paşnav: Mistefa Henîfî Cihê jidayikbûnê: Kobanê Navê dayik û bav: Gulîstan- Ehmed Cih û dîroka şehadetê: 17 Hezîran 2019/ Herêmên Parastinê yên Medyayê |
