HPG-NRÇ: Bûn nirxên me yên herî esîl

Daxuyaniya Navenda Ragihandin û Çapemeniyê ya Hêzên Parastina Gel (HPG-NRÇ) bi vî rengî ye:

“Hevrêyên me Çekdar, Hêvî, Zanyar, Rojvan û Hasan li dijî êrîşên dagirkeriyê û îmhayê yên berfireh ên dewleta Tirk a dagirker bi ruhê fedaî yê Apoyî li ber xwe dan, welatê me Kurdistan û hebûna gelê me parastin û di sala 2017’an de şehîd bûn. Em hevrêyên xwe bi hurmet, hezkirin û minet bi bîr tînin.

Hevrêyên me ku ji bajarên cuda yên Kurdistanê bi rê ketin, bê fikar tevlî nava Tevgera Azadiyê ya Kurdistanê bûn, bi rengekî fedaî şer kirin û ji bo azadiya gelê me xwe ji dayina berdêlan nedan alî. Ew bûn nirxên me yên herî esîl ku li ber her zor û zehmetiyê rabûn, siberoja me ya azad afirandin û dîroka me ya azadiyê nivîsandin. Hevrêyên me ku yek ji yekî hêja, wêrek, fedakar û bedew in, wê di dilê me de her tim bêne bîranîn, bi bîranîn û nirxên ku afirandine wê her hebin.

Em ji malbatên hêja yên hevrêyên xwe Çekdar, Hêvî, Zanyar, Rojvan û Hasan û tevahiya gelê me yê Kurdistanê re sersaxiyê dixwazin û bi hurmet û minetdarî careke din bejna xwe li ber bîranîna hêja ya hevrêyên me yên şehîd ditewînin.

Agahiyên li ser nasnameya hevrêyên me yên şehîd bûne bi vî rengî ne:

ÇEKDAR ÇIYAGER

Xaka Kurdistanê ya pîroz hezaran sal in malovaniyê ji gelê me re dike û di dîrokê de bû navenda gelek pêşketinên civakî ku şopeke xwe ya xurt li pey xwe hişt. Gelê me li çiyayên bilind û newalên berhemdar ên Kurdistanê nasnameyeke xurt afirand, di tevahiya dîrokê de gelek caran bû hedefa hêzên mêtînger, gelek êrîş lê hate kirin. Li gel van êrîşan hemûyan jî gelê me li ber xwe da, hebûn û çanda xwe parast, kevneşopiyeke bexwedêr afirand û gihand nifşên nû. Hêzên dagirker ên ku bi sînorên çêkirî welatê me Kurdistan kirin çar parçe, li her parçeyî zilmeke cuda li gelê me kirin. Gelê me li êrîşên bêrehm ên înkar û îmhayê rast hat, bi metirsiya wê yekê re rû bi rû ma ku tine bibe. Li xaka ku hêvî ji holê radibû, derfet û îmhan nema bû û têkçûneke derûnî hebû, Rêber Apo bi rêya PKK’ê destwerdaneke dîrokî kir, di tarîtiyê de meşaleyek vê xist û hêvî jinûve geş kir. Têkoşîna me ya ku li Bakurê Kurdistanê destpê kir, di demeke kurt de bandor li çar aliyên Kurdistanê kir û gelê me li dora vê hêviya vejînê civiya. Xelkê me yê Rojhilatê Kurdistanê jî avabûna partiya me PKK bi kelecaneke mezin pêşwazî kir û ji nêz ve şopand. Xelkê me yê Rojhilatê Kurdistanê ku li Mahabadê bi avakirina Komara Kurdistanê re biryardariya xwe ya ji bo jiyana bi nasnameya xwe û azadiyê bi xurtî nîşan da, ev cewhera xwe ya têkoşer her tim parast û ewladên xwe yên herî leheng tevlî nava refên Têkoşîna Azadiyê ya Kurdistanê kir. Eşîra Şikakî ya welatparêz ku ev kevneşopiya berxwedanê ya xurt bi israr parast û di damezrandina Komara Kurdistanê de cihekî girîng girt, têkoşîna me zû pejirand û tevlî nava refên berxwedanê bû.

Hevrêyê me Çekdar li gundê Gencesînê yê Ûrmiyeyê li nava derdoreke welatparêz a ji eşîra Şikakî ji dayik bû. Li nava malbat û derdoreke welê mezin bû ku hestên xwe yên welatparêziyê xurt bû, dilsozê nirxên Kurdistanî bû û di jiyana bi çand û dîroka xwe de bi israr bû. Vê yekê taybetmendiyên esasî yên hevrêyê me afirand. Hevrêyê me Çekdar ku derdora wî ya nêz di nava rêxistina komel de têkoşiya, rastiya hêzên mêtinger û Kurdistanê nas kir. Hevrêyê me Çekdar ku bi jîrbûn û jêhatîbûna xwe dihate naskirin, weke xwendekarekî gelekî serketî di demeke kurt de li nava derdora xwe hate naskirin. Hevrêyê me ku ji aliyekî ve perwerdeya xwe dewam kir û li aliyê din jî têkoşîna me ji nêz ve şopand, li Zanîngehê qeyda xwe li beşa kompûter û elektrîkê çêkir. Hevrêyê me dît û fêhm kir ku ji bo di nava sîstemê de cih bigire divê ziman û çanda xwe bide aliyekî, bibe xwedî kesayetiyeke li gorî dilê mêtingeran û fêhm kir ku vegera ji kevneşopiya têkoşîna gel û dîrokê di asta xiyanetê de ye. Ji ber vê yekê derfetên sîstemê red kir û biryar da ku ji bo azadiya gelê me têbikoşe. Hevrêyê me Çekdar ku PKK ji nêz ve şopand û kete bin bandora fikrên Rêber Apo, zû bersiv da pirsa ‘divê li ku derê û çawa têbikoşe’. Qet fikara xwe nebû ku Apoyiyên ji bo azadiya gelê me bi fedaîtî têdikoşin wê serketinê bînin û sala 2012’an tevlî nava refên Gerîlayên Azadiyê yên Kurdistanê bû.

Hevrêyê me Çekdar bi baldarî û daxwazeke mezin tevlî nava refên têkoşînê bû û ji bo xwe bi Pêş ve bibe û kûr bike, beşdarî nava perwerdeyên gerîlatiya bingehîn bû. Hevrêyê me Şehîd Koçer Didêrî ku hevrêyê me Çekdar tevlî nava refên têkoşînê kir, li ser sekna wî ya xurt ev nirxandin kiribû, ‘Ji roja ku tevlî bû û pê ve bi kelecan, daxwaz, têgihiştîbûn û sekna xwe ya milîtanî bandor li me hemûyan kiribû’. Ji bo hevrêyê me Çekdar hesteke bê hempa bû ku bû beşek ji têkoşîna dîrokî ya gelê me ya li çiyayên Kurdistanê. Bi her awayî hewl da Rêber Apo, felsefeya PKK’ê, xeta şehîdan fêhm bike û bi cih bîne. Bi kesayetiya xwe ya enerjîk li qada ku lê ma moral û hêz da û bandor li hevrêyên xwe kir. Daxwaza wî ya hînbûnê jî bû sedem ku zû bi pêş bikeve û bibe pêşeng. Hevrêyê me Çekdar ku perwerdeyên xwe yên îdeolojîk û leşkerî bi serketî qedand, derbasî herêma Xakurkê bû û dest bi pratîka xwe ya destpêkê ya gerîlatiyê kir. Bi kesayetiya xwe ya ekdkar biçûk an jî mezin bi daxwaz û cidiyekete mezin nêzî her wezîfeyê bû. Hesasiyeta wî ya ji bo kar, kûrbûna wî ya li ser encamê kir ku her wezîfeyê bi ser bixîne. Di demekê de ku şerê me yê gel ê şoreşgerî giran bû hevrêyê me Çekdar beşdarî nava refên têkoşînê bû û di nava şert û mercên herî giran ê şer û jiyanê de bû xwedî tecrûbe. Bi sekna xwe ya zelal û şênber a di nava jiyanê de, bi hesasiyeta xwe ya ku cih nedida şaşitiyan di nava hevrêyên xwe de bû çavkaniya cihê baweriyê. Bi tevlîbûna xwe ya bi milîtanî û karakterê xwe yê xurt, bandor li her hevrêyan kir ên ku ew nas dikir. Hevrêyê me Çekdar li pêşberî ti zor, zehmetî û pirsgirêkan ti carî paşve gav neavêt. Bi rê û rêbazên dewlemend pirsgirêk çareser kir, zehmetî ji pêşiya xwe rakir. Bi rêbaza komunal her hevrêyên xwe tevlî nava jiyanê kir û ji xwe re kir esas ku herî zêde ew tevlî bibe. Li nava refên têkoşînê veguherî milîtanekî şareza û di rêya fermandarîbûnê de gelekî bi pêş ket. Demekê tevlî karê perwerdeya şervanên nû bû û gelek hevrêyên me yên nû tevlî nava têkoşîna me bûn, perwerde kir. Ji bo ew hînî jiyanê bibin û partiya me PKK’ê nas bikin, kedeke mezin da. Di pêşketina bi dehan hevrêyan de xwedî rol bû.

Li hemberî êrîşên dewleta Tirk a mêtinger, ji bo serketina berxwedana dîrokî ya Gerîlayên Azadiyê yên Kurdistanê hevrêyê me Çekdar hemû enerjiya xwe tevlî nava têkoşîna me kir û beşdarî gelek çalakiyan bû. Hevrêyê me ku di rêbaz û taktîkên gerîlatiyê de bû pispor, di lêdana derbên giran a li dagirkeriyê de ked da.

Ji kêliya ku tevlî nava têkoşîna me bû û pê ve her wezîfe û berpirsyarî bi serketneke mezin bi cih anî. Hevrêyê me Çekdar di encama êrîşa artêşa Tirk a dagirker de 25’ê Nîsana 2017’an tevlî karwanê şehîdan bû. hevrêyê me Çekdar ku taybetmendiyên milîtaniya Apoyî di şexsê xwe de şênber kir û di her kêliya jiyana xwe de nîşan da, li nava hemû hevrêyên xwe bû cihê hezkirin û hurmetê. Hevrêyê me Çekdar bi mîrateya têkoşînê ya li pey xwe hişt wê her tim di nava têkoşîna me de bê bîranîn û rêya me ronî bike.

HÊVÎ KOÇER

Bajarê me Bedlîs li Kurdistanê bi hestên xwe yên welatparêziyê û berxwedanê her tim li pêş e, bi vî rengî tê naskirin û di ti serdemê de li hemberî êrîşên mêtingeran serê xwe netewandiye. Rastiya gelekî dilsozê çand, dîrok û zimanê xwe kevneşopiyek afirand û ev yek gihand nifşên nû. Gerîlayên Azadiyê yên Kurdistanê ku bi pêşengiya Rêber Apo dest bi têkoşînê kir û di demeke kurt de li tevahiya Kurdistanê bû hêza bingehîn, ji aliyê xelkê welatparêz ê Bedlîsê ve jî bi coşeke mezin hate silavkirin û bi tevlîbûnên girseyî yên li nava refên gerîla re bêteredût xwedî li têkoşîna me derket.

Hevrêya me Hêvî jî li navçeya Xîzan a Bedlîsê li nava malbateke welatparêz ji dayik bû ku ev kevneşopiya xurt a berxwedanê pejirand û dilsozê nirxên Kurdistanî ye. Ji ber ku malbata wê û derdora wê tevlîbûn li nava refên gerîla hebû, hevrêya me Hêvî têkoşîna me zû nas kir. Ji ber ku derdora lê dima dilsozê nirxên Kurdistanî bû, ziman, dîrok û çanda xwe pejirand, di kesayetiya xwe de bi cih kir. Xizmên wê yên nêz hevrêyê me Çiya Serhat – Adil Gezîcî sala 2006’an û hevrêyê me Berxwedan Koçer – Orhan Gezîcî sala 2008’an şehîd bû û vê yekê bandoreke mezin li hevrêya me Hêvî kir. Lewma li ser rastiya gerîla û PKK’ê zû kûr bû û piştî vê demê têkiliyeke xurt bi têkoşîna me re danî. Li cih û qadeke ku ji bo paşeroja azad a gelê me nirx diafirand karakterê hevala Hêvî ava bû û ev taybetmendiyên xwe yên xurt timî parast. Weke jineke ciwan rewşa jinê ya li nava sîstemê dît û dema ku gerîlayên jin dît ên ku li çiyayên Kurdistanê bi felsefeya Rêber Apo li hemberî vê yekê têdikoşiyan, kete nava kûrbûn û lêpirsînên mezin. Hevrêya me Hêvî dît ku bi felsefeya jiyana nû ya PKK’ê jin ên ku nirxên civakî afirandine ji şert û mercên koletiyê dikarin bêne rizgarkirin û di vê demê de hîn bêhtir xwe nêzî têkoşîna me kir û felsefeya Rêbertî bala wê kişand. Zor da hemû şert û mercan û hewl da xwe bigihîne çavkaniyên hîn mezintir, bi taybetî ji analîzên Rêbertî gelekî bi bandor bû. Di vê demê de li hemberî gelê me yê li Rojavayê Kurdistanê êrîşên qirkirinê dihate kirin ku li hemberî vê dagirkeriyê gelekî bi hêrs bû. Li hemberî êrîşên hêzên mêtinger ên ku dixwestin gelê me qir bikin û tine bikin, hevrêya me nexwest bêbersiv bimîne û berê xwe da çiyayên Kurdistanê, di sala 2013’an de li Xerzanê beşdarî nava refên Gerîlayên Azadiyê yên Kurdistanê bû.

Li nava refên têkoşînê ku weke jineke ciwan tevlî bû, bi enerjî û coşa xwe beşdarî nava jiyanê bû û dest bi hînbûnê kir. Di dema perwerdeya bingehîn de bi pêşketina xwe ya bi lez bala hevrêyên xwe hemûyan kişand û li nava refên gerîla nasnameya xwe ya cewherî bi felsefeya Apoyî jinûve afirand. Hevrêya me ku perwerdeya şervanên nû bi serketî qedand, derbasî qadên pratîkê bû û têkoşîna xwe bê navber dewam kir. Beşdarî gelek karên cuda li qadên cuda bû, li her karî jî rengê xwe dida qadê. Hevrêya me Hêvî zor û zehmetiyên jiyana gerîla bi îradeya xwe ya xurt û kesayetiya xwe ya ku berê xwe li armanca xwe bû, derbas kir û di demeke kurt de bû gerîlayeke xwedî tecrûbe, tiştên hîn bû gihand hevrêyên xwe yên nû tevlî nava refên têkoşînê bû û di pêşketina wan de bi roleke girîng rabû. Li her qada ku lê ma pratîkeke serketî nîşan da; bi sekn, tevlîbûn, kesayetiya xwe ya germ û ji dil li nava hevrêyên xwe hemûyan hate hezkirin û bû cihê hurmetê.

Hevrêya me ji bo ku di felsefeya Rêber Apo de xwe kûr bike her firsend bi kar anî, bi rêya perwerdeyan xwe ji aliyê îdeolojîk ve gelekî kûr kir. Hevrêya me Hêvî ku gelekî bala xwe li ser Îdeolojiya Azadiya Jinê ya Rêber Apo bû, ji xwe re kir esas ku tiştên hîn bûye bixe pratîkê, bi vî rengî bû milîtaneke PKK û PAJK’ê ya ku bersiv da pêwîstiyên demê. Li pêşberî nirxên me yên ku bi berdêlên giran hatin afirandin gelekî bi hesas nêzîk bû, parast û ji xwe re kir bingeh ku van nirxên pîroz mezin bike. Hevrêya me Hêvî li gorî mîsyona xwe ya pêşengiyê tevlî bû. Taybetmendiyên milîtaniya Apoyî bi rengekî xurt di kesayetiya xwe de temsîl kir.

Weke gerîlayeke bi tecrûbe û pêşeng derbasî Avaşînê bû û li hemberî êrîşên dagirkeriyê yên dewleta Tirk a mêtinger her tim li refên pêş cih girt û li gel hevrêyên xwe bersiveke dîrokî da. Li cografya herî zehmet a Zagrosan têkoşîneke demdirêj meşand û hem di nava jiyanê de hem jî di nava şer de xwe ispat kir, ji bo paşerojeke azad a gelê me bêrawestan xebitî. Hevrêya me Hêvî li cografya Avaşînê ya zehmet ku têkoşîna xwe bê kêmasî lê meşand, di 11’ê Mijdara 2017’an de di encama qezayeke bêşens de şehîd bû û zû ji nava me çû. Hevrêya me Hêvî bi enerjiya xwe ya bê dawî, bi kesayetiya xwe ya dilnizm û tevlîbûna xwe ya xurt a li jiyana PKK’ê ya pîroz bandoreke mezin li hemû hevrêyên xwe kir. Mîrateya têkoşînê ya ku hevrêya me Hêvî li pey xwe hişt wê timî rêya me ronî bike.

ZANYAR FARAŞÎN

Partiya me PKK a bi pêşengiya Rêber Apo pêş ketî, dîroka gelê me yê li ber tunebûnê jinûve nivîsand. Ji rastiyeke gel a ku hebûna xwe înkar dikir, nasnameyeke nû ava kir ku xwe rêxistin dike û li ser xeta serketinê li ber xwe dide. Partiya me li bajaran bû gel û li dijî mêtingeran têkoşîneke dîrokî pêş xist. Partiya me li ser xaka Botanê ya qedîm bû gerîla û derbasî demeke nû bû. Gelê me yê Botanê di tevahiya dîrokê de ji bo parastina ziman, dîrok û çanda xwe pir israr kir, malûvanî ji gerîlayên ewilî yên Têkoşîna Azadiya Kurdistanê re kiriye û ewladên xwe yên herî paqij tevlî nava refên gerîla kiriye, ji bo mezinbûna berxwedana me kedeke mezin daye.

Hevrêyê me Zanyar li erdnîgariyeke girêdayî zozanê Feraşîn a Botanê hatiye dinê. Li ser vê xaka ku têkoşîna me kok lê berdaye, di nava vê mîrateya berxwedanê de mezin bû. Di nava malbateke hêja ya ji eşîra Gewdan a welatparêz de, di temenekî zû de nirxên Kurdistanî fêm kir. Ji ber êrîş û zextên dewleta Tirk a mêtinger, malbata hevrêyê me neçar ma koçî Wanê bike. Hevrêyê me Zanyar şahidî ji êşên gelê me re kir ku bi zorê ji xaka xwe hate koçkirin. Ev yek bû sedem ku li hemberî dagirkeran bibe xwedî hêrseke mezin. Ji xaka lê hatî dinê, dûr mezin bû. Tevî vê yekê jî girêdana xwe ya bi berxwedanê re qut nekir. Li derdoreke ku tevlîbûn ji bo refên Têkoşîna Azadiya Kurdistanê çêdibûn, mezin bû. Ev yek bû sedem ku hevrêyê me Zanyar Partiya me zû nas bike. Hevrêyê me li Wanê tevlî xebatên ciwanan bû, tax bi tax, mal bi mal geriya û ji bo zanekirina ciwanên Kurd ên bi taybetî ji aliyê dewletê ve têne hedefgirtin, li dijî êrîşan tevlî nava refên têkoşînê bike, kedek mezin da. Hevrêyê me yê ku di vê pêvajoyê de rastiya me ya civakî hîn baştir nas kiriye, ji parêzname û dahûrandinên Rêber Apo sûd wergirt û dest bi naskirina xwe kir. Bi kesayeta xwe ya enerjîk û milîtan di nava gelê me de hate hezkirin. Têkoşîna xwe ya li dijî êrîşên mêtingeran ên li ser gelê me, ti carî têrker nedît û fêm kir ku bêyî xweparastinê gelê me nabe xwedî siberojeke azad. Li ser vê esasê hevrêyê me Zanyar sala 2013’an berê xwe da çiyayên Kurdistanê û tevlî nava refên gerîla bû.

Hevrêyê me Zanyar li Feraşînê tevlî nava refên Gerîlayên Azadiya Kurdistanê bû û vegerî xaka ku lê ji dayik bûye. Piştre derbasî Herêmên Parastinê yên Medyayê bû û tevlî perwerdeyên gerîlatiya esas bû. Tevlîbûna nava refên gerîla ku xeyala wî ya zarokatiyê bû, ji bo hevrêyê me bû destpêka jiyanek nû. Bi xwestek û moralek mezin tevlî vê jiyana pîroz bû. Hevrêyê me ku ji jiyana çiyê dûr nîne, di nava demek kurt de hûrgûliyên jiyana gerîla fêr bû û bi lez fêrî şert û mercên zehmet bû. Hevrêyê me ku li dijî mêtingeran xwedî hêrseke mezin e, li her qadê xwe perwerde kir û li benda wê rojê ma ku hesab ji dagirkeran bipirse. Hevrêyê me bi serketî perwerdeyên xwe yên îdeolojîk û leşkerî temam kir, derbasî qada Xakurkê bû û dest bi pratîka xwe ya ewilî ya gerîlatiyê kir. Hevrêyê me Zanyar bi xwestek û kelecanek mezin tevlî her xebatê bû. Hevrêyê me bi sekna xwe ya kedkar û milîtan hurmeta hemû hevrêyên xwe qezenc kir, tarzê xebatê yê komunal esas girt ku her hevrêyê xwe tevlî jiyanê bike. Bi moral û coşa xwe li ser hemû hevrêyên xwe bandorek mezin çêkir û di nava demek kurt de bû pêşeng. Di serî de xebatên binesaziyê, kedek zêde da û ji bo serketina gelek xebatên girîng ên ku baldariyek mezin dixwazin, tevkariyek mezin kir. Li dijî êrîşên îmhayê yên ku dewleta Tirk a mêtinger sala 2015’an li hemberî gelê me û Gerîlayên Azadiya Kurdistanê dayî destpêkirin, li qada Xakurkê di nava refên herî pêş ên berxwedana dîrokî de cih girt. Hêrsa xwe ya li dijî dijmin, di çalakiyan de nîşan da. Hevrêyê me Zanyar di gelek çalakiyan de ji bo di komên êrîşê de cih bigire, her tim bû xwedî israrek zêde. Weke hevrêyekî ku ewilî ew bi ser dijmin de diçe û guleya ewilî berdide, hate naskirin. Mîna di jiyanê de li qada şer jî di demek kurt de bû pispor. Tarz û taktîkên gerîla yên demê bi rengekî serketî derbasî pratîkê kir û li ser xeta fermandariyê pêngavek girîng avêt.

Armanca esas a hevrêyê me Zanyar ew bû ku xwedî li mîrateya têkoşînê ya her hevrêyek me yê şehîd ê refên Têkoşîna Azadiya Kurdistanê derkeve û li ser rêya wan bimeşe. Di tevahiya jiyana xwe ya têkoşînê de girêdayî vê armancê ma. Hevrêyê me her kêliya jiyana xwe fedayê têkoşîna me kir. Ji bo azadiya Rêbertî û gelê me yê bindest, bêsekin xebitî û bi milîtanî şer kir. Di nava refên têkoşînê de li ser xeta milîtantiya Apoyî xwe jinûve afirand. Ji bo her wezîfe û berpirsyariya ku Partiya me daye, bi layiqî bi cih bîne hewldanek mezin raber kir û ti wezîfeya xwe nîvço nehişt. Hevrêyê me Zaynar weke milîtanek Apoyî derket pêş ku hemû hevrêyên wî ew ji xwe re mînak girtin.

Hevrêyê me Zanyar 25’ê Nîsana 2017’an di êrîşa dewleta Tirk a dagirker de şehîd bû. Felsefeya PKK’ê di şexsê xwe de şênber kir û bi rengekî xurt ragihand jiyanê. Bîranîna hevrêyê me Zanyar ku mîrateyeke têkoşînê ya ti carî nayê jibîrkirin li pey xwe hişt, wê her tim di têkoşîna me de bijî û bibe meşaleyeke ku rêya me ronî dike.

ROJVAN BAZ

Xaka Kurdistanê di serî de Şoreşa Neolotîk malûvanî ji gelek pêşketinên civakî re kiriye ku rêya dîroka mirovahiyê diyar kiriye. Gelê me yê ku bi hezaran sal in li ser vê xakê dijî; ziman, çand û dîroka xwe parastiye û heya roja me ya îro hebûna xwe parastiye. Gelê me tevî ku her demê rû bi rûyê êrîşan maye, çiyayên Kurdistanê yên qedîm ji xwe re kir mesken û li ber xwe da. Kevneşopiyeke têkoşer afirandiye. Lehengên gelê Kurd ji bo parastina gelê me û nirxên gelê me, pêşengî ji berxwedanê re kirin û xwe ji fedakirinê nedan paş. Gelê me çandeke ku Egîdan diafirîne pêş xist û bi xaka xwe re bû yek. Gelê me ku di encama planên qirêj ên dewletên dagirker de bi sînorên çêkirî, cudayî çar parçeyan hate kirin û di pencê qirkirinê de êş kişand, bi PKK’ê re car din bi rengekî bi heybet li ser dika dîrokê cihê xwe girt. Rêber Apo di demeke ku ti hêvî nebû de, bi hewldanên bêhempa partiya me PKK ava kir, Egîdên dema nû afirand. Agirê berxwedanê yê li Zindana Amedê pêl bi pêl belavî hemû Kurdistanê bû. Têkoşîna me ya li bajaran bi gel re bû yek, li çiyayên Kurdistanê bi pêşengiya Fermandar Egîd veguherî xeteke berxwedanê ya ku têk naçe. Partiya me PKK gelê me ji xewa mirinê hişyar kir û tevlî nava refên têkoşînê kir. Mêtingeran nekarîn pêşketina partiya me bisekinîn û xwestin bi êrîşên dermirovî encam bigirin. Ev hemû hewldanên dagirkeran bêencam man û nekarîn serhildanan û berxwedana gerîla ya li Kurdistanê bilind bûye, rawestînin. Gelê Kurd ji ser xaka xwe ya bi hezaran salan bi zorê da koçkirin û kir armanca xwe ya esas ku Kurdistanê ji Kurdan vale bike. Dagirkeran bi hezaran gund şewitandin û bi zorê vale kirin, gelê me kirin penaber. Gelê me neçar ma koçî metropolên Tirkiyeyê bike, gelê me li her cihê ku çûyê çanda xwe jî veguhezt û dest ji têkoşîna xwe berneda û car din êrîşên dagirkeran pûç kir.

Hevrêyê me Rojvan di nava malbateke ku ji ber êrîşên dewleta Tirk a mêtinger ji Kurdistanê koçî Îzmîrê kir de, mezin bû. Ji xaka Kurdistanê ya qedîm dûr hate dinê û mezin bû, ev yek ji bo parastina cewherê xwe nebû asteng. Hevrêyê me Rojvan Kurdên ku li metropolên Tirkiyeyê rû bi rûyê muameleya cihêkar mane û di şert û mercên zehmet de neçar man jiyana xwe bidomînin, nas kir û ev yek bû sedem ku bikeve nava lêpirsînan. Bêdengmayîna li hemberî rastiya gelekî ku zimanê wê tune tê hesibandin, bi polîtîkayên înkar û asîmîlasyonê tê xwestin ku were tunekirin, ji bo hevrêyê me helwesteke ku nayê qebûlkirin e. Hevrêyê me têkoşîna me hîn nêztir şopand, tevlî xebatên ciwanan bû û di nava pratîkê de fêr bû û bersiva pirsên xwe dît. Hevrêyê me nirxandinên Rêber Apo xwend û fêm kir. Biryar da ku bibe neferê doza rewa ya gelê me yê bindest. Hevrêyê me bawer kir ku divê teqez bersiveke xurt bide êrîşên îmhayê yên ku dewleta Tirk a dagirker di çarçoveya ‘Plana Hilweşandinê’ de sala 2015’an li dijî gelê me û Gerîlayên Azadiya Kurdistanê dayî destpêkirin. Bi hemû hêza xwe tevlî xebatan bû. Di sala 2016’an de dagirkeran êrîşî Berxwedana Rêveberiya Xweser kir û komkujî pêk anîn. Li dijî vê yekê hevrêyê me Rojvan jî bi tevlîbûna nava refên Gerîlayên Azadiya Kurdistanê bersiv da.

Hevrêyê me tevlî nava refên gerîla bû û bi xaka Kurdistanê ya ku jê dûr mezin bûyî re, hate ba hev. Tevlî perwerdeya esas a gerîlatiyê bû. Hevrêyê me ji têkiliyên hevrêtiya xurt a gerîla û jiyana wê ya sade bandor bû, bi xwestek û meraqek mezin tevlî jiyanê bû. Pîvanên jiyanê û taktîkên gerîla bi rengekî bi lez ji hevrêyên xwe fêr bû. Hevrêyê me Rojvan di pêvajoyeke ku şer lê zêde de tevlî têkoşînê bû û ji bo bigihije taybetmendiyên milîtaniyê yên ji pêvajoyê re bibin bersiv, hewldanek zêde raber kir. Hem di warê leşkerî de hem jî li qada îdeolojîk kûrahiyek mezin qezenc kir. Hevrêyê me derbasî Xakurkê bû û tevlî xebatên pratîk bû. Bi kesayeta xwe ya samîmî, dirûst û kedkar di demek kurt de bi hevrêyên xwe re bû yek. Her tim xwe ji şert û mercên herî zehmet û wezîfeyan re amade kir. Ji bo felsefeya Rêber Apo û şehîdên me yên nemir ên ku têkoşîna me gihandine roja îro fêm bike, her tim lêhêrbûn kir. Hevrêyê me her kêliya xwe fedayê têkoşînê kir. Li dijî êrîşên dagirkeran di eniya herî pêş de cih girt û wezîfeyên xwe yên milîtaniyê bi layiqî bi cih anî. Bi tecrubeya leşkerî û îdeolojîk a bi dest xistî, bû gerîlayek pispor. Hevrêyê me Rojvan bi cesareta xwe ya li qada şer û samîmiyeta xwe ya di peywendiyên hevrêtiyê de, hezkirin û hurmeta hemû hevrêyên xwe qezenc kir.

Hevrêyê me Rojvan 25’ê Nîsana 2017’an li qada Xakurkê tevlî karwanê şehîdan bû, di tevahiya jiyana xwe de li ser xeta Apoyî bû xwedî sekneke bi biryar. Em car din soza xwe dubare dikin ku mîrateya têkoşînê ya hevrêyê xwe Rojvan di berxwedana xwe de bidin jiyîn bigihînin serketinê.

HASAN QEREJDAX

Bajarê me Amed di têkoşîna azadiya gelê me de tim pêşengtî kiriye û di navenda hemû berxwedanan de cih girtiye. Li gel mezinkirina gelek lehengên pêşeng bedêl daye û kevneşopiyeke ku ji nifşan re tê veguhestin afirandiye û di dîroka gelê me ya jiyana birûmet de bûye xwediyê cihekî girîng. Bajarê me Amed ku di dîroka Têkoşîna Azadiya Kurdistanê de xwedî roleke sereke ye, mîsyona xwe ya pêşengtiyê careke din bi serkeftî bi cih aniye. Bajrê me Amed ê ku li gel damezrandina Partiya me û berxwedana li zindanên Amedê cara yekem dijmin têk biriye, bûye yek ji qadên ku têkoşîna me lê pêş ketiye û belav bûye. Gelê me yê ku bi dil û can xwedî li berxwedana dîrokî ya ji aliyê kadroyên pêşêng ên PKK’ê ve hatiye pêşxistin, derketiye, ewladên xwe yên herî wêrek li refên têkoşînê zêde kirine û bi serhildanên xwe kolanên Amedê veguherandiye kelehên berxwedanê, bûye navenda ruhê berxwedanê.

Hevrêyê me Hasan, li navçeya Çinar a Amedê di nava malbateke ku xwedî li vê kevneşopiya berxwedanê ya xurt derdikeve û hestên welatparêziyê gelekî pêş ketine de ji dayîk dibe. Di nava berxwedanê de û bi pejirandina nirxên civakî yên bi hêz mezin dibe. Hevrêyê me yê ku di nava zor û zehmetiyên madî de mezin dibe, di zarokatiya xwe de dest bi xebitandinê dike û taybetmendiyên kesayeta kedkar bi dest dixe. Li Amedê di nava atmosfera polîtîk û serhildanan de Têkoşîna Azadiya Kurdistanê nas dike. Hevrêyê me Hasan ê ku rastî êrîşên dewleta Tirk ên li ser gelê me tê û dibe şahidê gelek êrîşên dermirovî, rastiya dijmin ji nêz ve nas dike û li hemberî dijmin hêrseke mezin li cem peyda dibe.  Hevrêyê me yê ku eleqeyeke mezin nîşanî Rêber Apo û têkoşîna me dide, li gel naskirina PKK’ê zêdetir di nava têkoşînê de cihê xwe girt. Hevrêyê me yê ku hewl dide bi xwedîlêderketina zêdetir li hemberî polîtîkayên asîmîlasyon, înkar û tunekirinê bibe bersiv, gihîşt wê baweriyê ku wê gelême bes li ser xeta PKK’ê ya berxwedanê azadiya rastîn bi dest bixe. Hevrêyê me yê ku di vê pêvajoyê de bi awayekî çalak beşdarî xebatan dibe, roj bi roj xwestek û biryardariya xwe ya têkoşînê mezin dike  û di sala 2015’an de li Ameda ku lê ji dayik dibe û mezin dibe tevlî nava refên Gerîlayên Azadiya Kurdistanê dibe.

Hevrêyê me yê ku demeke kurt li Amedê dimîne û cara ewil li vir dest bi pratîka gerîlatiyê dike, piştre derbasî Herêmên Parastinê yên Medyayê dibe. Hevrêyê meli vir beşdarî prerwedeya gerîlayan a sereke dibe û xwe fêrî kitekitên jiyanê û taktîkên gerîlayan dike. Bi xwesteke mezin tevlî jiyanê dibe û xwe bi lez bi pêş dixe. Hevrêtiyên bihêz ên di nava PKK’ê bandoreke mezin li hevrêyê me dikin û dike armanca xwe ya sereke ku hevrêtiyeke layiqî vê hevrêtiya pîroz di kesateya xwe de pêk bîne. Hevrêyê me Hasan ê ku perwerdeyên xwe yên bingehîn bi serkeftî temam dike, derbasî Zapê dibe. Hevrêyê me di demeke kurt de adapteyî şert û mercên dijwar ên çiyayên Zagrosan dibe û dest bi yekem pratîka gerîlatiyê dike. Hevrêyê me Hasan ê ku bi kesayeta xwe ya pak û xwerû bi hevrêyên xwe re pêwendiyên xurt ava dike. Hevrêyê me Hasan li her cihê ku lê dimîne bi saya tevlîbûna xwe ya bimoral û xwesteka xwe ya hînbûnê balê dikşîne ser xwe. Hevrêyê me yê ku bi taybetmendiya xwe ya kedkar derdikeve pêş, ji jiyanê re pêşengtiyê dike. Ji bo serweriya hemû detayên jiyanê û bicihanîna hemû erkên xwe ya bi awayekî serkeftî gelekî hewl da. Hevrêyê me Hasan ê ku ji hevrêyên xwe hîn dibe, tiştên ku hîn dibe li gel hevrêyên xwe parve dike û ji bo pêşketina wan hewl dide, li her devera ku lê dimîne ji aliyê hemû hevrêyên xwe ve gelekî tê hezkirin. Hevrêyê me li hemberî êrîşên dewleta Tirk a dagirker  ên di çarçoveya ‘’Plana Têkbirinê’’ de di sala 2015’an de daye destpêkirin û armanc dike ku Gerîlayên Azadiya Kurdistanê tune bike ku nûnertiya îradeya azadiya gelê me dikin, di nava berxwedana dîrokî ya Zapê de cihê xwe digire. Hevrêyê me dibe yek ji hevrêyên me yên yekem ên li hemberî êrîşên dijmin dibin bersiv. Bi wêrektî şer kir û bi fedekariyeke mezin daxilî xebatên binesaziya şerî bû û kedeke mezin nîşan da. Hêrsa xwe ya mezin a li hemberî dijmin di çalakiyên xwe de jî nîşan da. Di hemû xebatên xwe de bi hesasiyet û hendazetiyeke mezin pratîkeke serkeftî pêşkêş kir. Ji bo tolhilanîna hevrêyên me yên di nava refên têkoşînê de şehîd bûne, bistîne û ala wan a berxwedanê bi serkeftinê tacîdar bike, bê navber li ber xwe da. Hevrêyê me Hasan ê ku di tevahiya jiyana xwe ya şoreşgerî de hemû erk û berpirsiyariyên xwe bi serkeftî bi cih anîne, bi pêşengtiya xwe ya di jiyan û şerî de bû milîtanekî fedaî yê li ser xeta Apoyî dimeşe.

Hevrêyê me Hasan di encama êrîşa artêşa Tirk a dagirker a 27’ê Tîrmeha 2019’an de tevlî karwanê nemiran dibe. Hevrêyê me Hasan bi jiyana xwe ya dilnizm, kedkar û zane li nava hevrêyên xwe hemûyan bû cihê hurmetê û di nava şert û mercên herî giran de xeta Apoyî bi xurtî temsîl kir. Mîrateya têkoşînê ya ku hevrêyê me Hasan li pey xwe hişt wê her tim rêya me ronî bike.”