Di navbera Îsraîl û Hizbullaha aligirê Îranê de di 27’ê Mijdarê de agirbest çêbû. Beriya wê ji çar salan zêdetir di navbera her du aliyan de şerekî dijwar rû da. Di encama vî şerî de zêdetirî 4 hezar welatiyan jiyana xwe ji dest dan.
Di 7’ê Cotmeha 2023’yan de li gel êrîşa Hamasê ya li ser Îsraîlê şerê Xezeyê yê mezin destpê kir. Di Îlona 2024’an de jî pevçûnên di navbera aliyan de veguherîn şerekî eşkere.
Li gorî rapora HRW’ê di encama êrîşeke hewayî ya Îsraîlê de ya li ser malbateke Sûriyeyê ya li Yunin a rojhilatê Lubnanê ji heman malbatê 23 kes hatine kuştin.
Di êrîşeke 1’ê Mijdarê de jî xaniyek hatiye hilweşandin û pênc jê jin û pitikek jî di nav de 10 welatiyên sivîl hatine kuştin.
HRW’ê diyar kir ku ev êrîş ‘’bi awayekî rasterast li hemberî welatiyên sivîl in’’ û ‘’divê weke sûcê şer were lêpirsîn’’ û destnîşan kir ku li her du herêman jî têkildarî kiryar û armancên leşkerî tu delîl nehatine tespîtkirin.
HRW’ê da zanîn ku beriya êrîşan ji aliyê artêşa Îsraîlê ve tu bangên valakirina herêmê nehatine kirin û îfade kir ku di 24’Ê Adarê de li gel artêşê ketiye têkiliyê lê belê ji artêşê bersivek negirtiye.
Lêkolînerê HRW’ê yê Lubnanê Ramzi Kaiss ev yek anîn ziman: ‘’Delîlên heyî nîşan didin ku hêzên Îsraîlê di êrîşên xwe yên salên 2023 û 2024’an ên li ser Lubnanê de nekariya parastina welatiyên sivîl bike. ‘’
HRW’ê got: ‘’DYE, ji bo ku Îsraîl sûcê şer bike bi awayekî eşkere çekan dide wê û xwe jî dike hevparê vî sûcî.’’
HRW’ê bang li Lubnanê kir ku ji bo lêpirsîna van sûcan û darizandina kiryaran rayeya darizandinê bide Dadgeha Cezayî ya Navneteweyî ku ji bo malbatên mexdûr edalet were pêk were.
Her wiha saziya civakî di 21’ê Mijdarê de êrîşeke sêyem a ku bûbû sedema kuştina çar endamên malbatekê jî rapor kiribû.
