Înîsiyatîfê di daxuyaniya nivîskî de got, “Bi wesîleya 1’ê Îlonê Roja Aştiyê ya Cîhanê em careke din diyar dikin ku çareseriya aştiyane ji bo nifşê nû derfeta tekane ya avakirina pêşerojê ye. Ji bo me Banga Aştî û Civaka Demokratîk a birêz Ocalan ji bo bi dawîkirina yek ji pirsgirêkên demdirêj ên Rojhilata Navîn, derfeteke dîrokiye.”
Daxuyanî wiha berdewam kir: “Ger bi awayek rast were bicihanîn wê guhertinên bingehîn çêbin, aştî û aramî vegerîne Tirkiye, Iraq û tevayî herêmê.
Bi boneya roja aştiya cîhanê em carek din dibêjin ku çareseriya aştiyane take rêye ji bo avakirina siberojek baştir a ji bo nifşên nû. Li gorî me însiyatîfa birêz Ocalan a ‘Aştî û civaka demokratîk’ nûnertiya guhertinek baş ji bo çareserkirina pirsgirêka Kurd û nakokiyên din ên herêmî dike.
Ev banga aştîxwaz ku nûnertiya guhertinek cewherî dike û xebata çekdarî diguherîne bo xebata siyasî û dîplomasî, li ser bingehê ramaneke felsefiya kûr avabûye ku armanca wê pêkanîna aştiya mayînde ya li tevayî herêmê ye.
Pîvanên însiyatîfa aştî û civaka demokratîk di guherîna têkoşîna çekdarî ya ji bo têkoşîna siyasî de pêktê. Niha pêwîstiya vê pêvajoyê ji bo rewabûna mafan bi amrazên siyasî û yasayî heye. Ev guhertin nûnertiya serkeftineke dîrokî dike ku wê dawî li şerê çekdarî yê çil salan bîne. Her wiha civaka demokratîk wek alternatîfek ji bo desthilatên netew-dewlet jî tê dîtin.
Tişta ku vê înîsiyatîfê cuda dike modela xurtkirina entegrasyona di civakek demokratîk de ye ku şert û mercên ji bo jiyana hevbeş a hemû pêkhateyên netewî û olî ava dike.
Ev model tekeziyê li ser beşdarbûn û pirrengiya li ser bingehê teoriya netewa demokratîk dike, neku avakirina netew-dewleteke nû. Ev jî dihêle ku civakek pirreng wek civaka Iraqê yan jî welatek din ên Rojhilata Navîn guncawtir be.”
