Sala 2023’an di êrîşê de kesekî çekdar ketibû hundirê nûnertiya dîplomatîk a Azerbaycanê û xebatkarekî sefaretxaneyê kuştibû, du jî birîndar kiribû.
Îranê îdîa kir ku armanca êrîşkar ‘şexsî’ bû û bi ‘teşwîqkirina’ Azerbaycanê ji bo êrîşî Tehranê bike, sûcdar kiribû.
Wê demê Serokkomarê Azerbaycanê Îlham Aliyev êrîş weke ‘êrîşeke terorê’ pênase kiribû û şermezar kiribû. Herdu welatan hevdu sûcdar kiribûn û dîplomatên hev dersînor kiribûn.
Li gorî dadgeriyê, kesê ji êrîşê berpirsyar sibeha Çarşemê ‘Li gorî qanûna qisasê’ hate darveikrin. Li Îranê di dozên kuştinê de ji ber ku malbata qurbanî dixwaze cezayê mirinê bi cih bê anîn, qanûna qisasê tê bikaranîn.
Li gorî medya xwecihî, kesê hate darvekirin Yasîn Huseyînzadeh e ku bi jineke Azerî re zewicî bû.
Daxuyaniya têkildarî darvekirinê di demeke welê de hate kirin ku Serokkomarê Îranê Mesûd Pezeşkiyan dawiya meha Nîsanê serdana Azerbaycanê kir û piştre jî Tehran û Baku nêzî hev bûn.
