Li gorî medya Îsraîlê, di nava 30 deqeyî de bi çar pêlan ji Îranê nêzî 15 fuze hatin avêtin.
Piştî fuzeyên Îranê yên pêla duyemîn, li navenda Îsraîlê, li başûr û herêma Qûdsê alarm hatin lêxistin. Hate ragihandin ku li ser Qûdsê dengê çend teqînan hate bihîstin.
Li jîngehên Xezeyê yên li nêzî Îsraîlê jî alarm hate lêxistin.
Hate ragihandin ku li herêma Aşdodê teqînekê rû da. Li ser birîndar an jî xisara ji ber teqînê agahî bi dest neketin.
ŞÊWIRMENDÊ XAMANEY: LÎSTIK QEDIYA, SURPRÎZ WÊ DEWAM BIKIN
Piştî êrîşên DYE û Îsraîlê şêwirmendê sereke yê Xamaney Alî Şamkanî bi zimanê Îbranî tweetek weşand û got, “Sermeselê tesîs hemû hilweşiya bin jî lîstik neqediya ye; malzemeyên dewlemendkirî, pisporiya herêmî û polîtîka wê bimîne. Înîsiyaîfa operasyonî û siyasî êdî di destê wan kesan de ye ku mafê parastina rewa bi kar tîne û bi rengekî aqilane tevdigerin. Surprîz wê dewam bikin.”
