Meclîsa Tenduristiya Karkeran û Ewlehiya Kar (ÎSÎG) bi sernavê ‘’Rapora Cînayetên Karkerên Zarok’’ raporek weşand û bîlançoya giran a karkeriya zarokan a li Tirkiyeyê raxist ber çavan. Li gorî rapora berbehs di navbera salên 2013 û 2026’an de herî kêm 852 zarokan li ser kar jiyana xwe ji dest dane.
Li gorî daneyan, herê zêde li bajarê Rihayê zarokên karker jiyana xwe ji dest dane. Hate diyarkirin ku zarokên ku li ser kar jiyana xwe ji dest dane 122 zarokên keç in û 730 jî yên kur in.
Raporê destnîşan kir ku piraniya zarokan di sektora çandiniyê de tên xebitandin û hate diyarkirin ku ji sedî 52’yê mirinan di sektora çandiniyê de, ji sedî 13 di sektora înşaet û çêkirina rêyan de, ji sedî 8 di sektora otelvaniyê de, ji sedî 7 di sektora metalê de û ji sedî 3’yan jî di sektora xwarin û vexwarinê de çêbûne.
Hate eşkerekirin ku 291 zarok di temênê navbera 5-14’an de ne û 561 zarok jî di temenê navbera 15-17’an de ne.
