Katz nivîsî, “Li Xezeyê kilîda deriyên dojehê vebû” û ragihand ku ji bo avahiyeke ji gelek qatan pêk tê fermana destpêkê ya veguhestinê hatiye dayin. Artêşa Îsraîlê ev bang hîn ji raya giştî re eşkere nekir.
Katz got, “Dema ku derî vebû wê careke din neyê girtin û artêşa Îsraîlê wê karê xwe zêde bike” û ultîmatomek da Hamasê: “Ji bo bidawîkirina şer şert û mercên Îsraîlê qebûl bikin, yanî beriya her tiştî berdana hemû dîlgirtiyan û bêçekbûn, yan jî tine bibin.”
DI ÊRÎŞAN DE 19 FÎLÎSTÎNIYÊN DIN JIYANA XWE JI DEST DAN
Parastina Sivîl a li Şerîda Xezeyê jî diyar kir ku ji serê sibehê û vir ve li xaka Fîlîstînê di êrîşên hewayî de 19 kesan jiyana xwe ji dest dan.
Li gorî daxuyaniyê, hêzên hewayî yên Îsraîlê li bajarên Xezeyê û gelek taxên li derdorê êrîş bir ser avahiyan û konên koçberan.
