Di daxuyaniya ji aliyê wezaretê ve hatî dayîn de, hate diyarkirin ku “artêşa Îsraîlê plana êrîşê ya li ser bajarê Xezeyê erê kiriye” û “ji bo hêzên cîhgir bên ser wezîfeyê, destûr hatiye dayîn”.
Medyaya Îsraîlê ev qonaxa nû weke dewama operasyona berê ya bi navê “Tankên Gedeon” pênase kir. Hatibû îdîakirin ku bi operasyona navborî Hamasê darbeyeke giran xwar û xaka Xezeyê ji sedî 75 kete bin kontrola artêşa Îsraîlê.
ARMANCÊN STRATEJÎK Û QONAXA NÛ
Wezîr Katz plan weke “bicihanîna biryara kabîneyê ya ji bo kontrolkirina bajarê Xezeyê” pênase kir. Armancên stratejîk ên operasyonê berdana hemû dîlgirtiyan, belavkirina çêkera leşkerî ya Hamasê û sirgûnkirina lîderên wê, bêçek hiştina Xezeyê, li ser sînorê Îsraîlê avakirina herêmeke tampon û li herêmê domandina azadiya operasyonî ya artêşa îsraîlê ye.
Katz got, dema operasyon temam bû “wê derdora Xezeyê were guhertin û neşibe rewşa xwe ya berê”, herêm wê bi rengekî radîkal were guhertin.
