DEM Partî roja 25’ê Cotmehê li navçeya Esenyûrt a Stenbolê ji bo civîneke mezin a gel xwe amade dike. Bi tevlîbûna EMEP, EHP, SMF, TÎP û TOP’ê û bi şîara ‘Ji bo ked, aştî, edalet û azadiyê em bi hev re têbikoşin’ wê civîn were lidarxistin. Ji bo civînê DEM Partî li her navçeya Stenbolê xebatên xwe didomîne.
Hevseroka DEM Partiyê ya Stenbolê Arîfe Çinar hemû beşên civakî vexwend vê civîna gel û diyar kir ku ew armanc dikin 25’ê Cotmehê li dijî bêedaletî, xizanî û newekheviyê civîneke gel lidar bixin ku hemû gel û nasname lê kom bibin.
