Rêveberiya Xweser bang li gel kir ku li dora Hêzên Sûriyeya Demokratîk (QSD) û Yekîneyên Parastina Jinê (YPJ) bicive. Di serî de kantonên Cizîr û Firatê li gelek bajaran gel daket qadan û peyamên piştgiriyê da.
TIL TEMIR
Şêniyên bajarê Til Temirê yê kantona Cizîrê bersiva vê bangê dan û daketin kolanan.
Xwepêşandan bi tevlêbûna bi sedan kesan li Qada Qendîlê li deriyê başûr ê bajêr dest pê kir. Girseya gel pankartên bi nivîsên piştgiriya ji bo QSD’ê û şermezaarkirina êrişên çeteyên Hikûmeta Demkî ya Sûriyeyê li dijî herêmê, hildan.
Girseya gel di kolanên sereke yên Til Temirê de meşiya, û dirûşmên li dijî sûc û binpêkirinên çeteyên hikûmeta demkî qîriyan. Xwepêşandêran daxwaza rawestandina êrişan kir.
Dema ku girseya gel gihîştin rêya navneteweyî ya M4, xwepêşandan veguherî mîtinga girseyî.
Ji rêveberên Kongra Star, Nûhat Şîndî, axivî û banga yekîtiya gel di vê qonaxa krîtîk de, kir. Nûhat her wha banga berxwedana ji bo parastina herêmê kir.
Nûat diyar kir ku ew li gel QSD`ê ne heta ku aramî û aştî pêk were.
Xwepêşandan bi bangên ji bo yekitiyê û piştgiriya QSD`ê bi dawî bû.
KOBANÊ: EM Ê TÊK BIBIN
Bi hezaran şêniyên kantona Firatê bi boneya salvegra êrişên dewleta Tirk a dagirker li ser Efrînê û ji bo şermezarkirina êrişên hikumeta demkî yên li ser Herêma Bakur û Rojhilatê Sûriyeyê û ji bo piştgiriya QSD`ê meş hat li darxist.
Meş ji qada Jina Azad dest pê kir. Di meşê de wêneyê Şehîd Ziyad Heleb û Avista Xabûr û ên birîndaran, alên QSD û YPJ`ê hatin hildan û şêniyan bê navber dirûşmên “Berxwedan jiyane”,”Bêjî berxwedana QSD û YPJ`ê”,”Na ji îxanetê re” berz kirin.
Meş li qada Aşitî rawestiya. Piştî deqeyek rêzgirtin, Hevserokê Tevgera Civaka Demokratîk (TEV-DEM) a Kantona Firatê Enwer Mislim êrişên li ser herêma Bakur û Rojhilatê Sûriyeyê şermezar kir û wiha got: “Dîrok her tim xwe dûbare dike. Çawa ku me di 2014`an de me çeteyên DAIŞ`ê têk bir, em her tim wê dijmin têk bibin. Em ê her tim ji bo parastina gelê xwe têkoşîn û berxwedana xwe xurtir bikin. Em ji hêza xwe bawin ku her tim li pişta şervanên xwe bin û bi hev re djimin têk bibin. Tişta ku ji me tê westin, divê em biratiya xwe ya gelan xurtin bikin.”
Enwer Mislim destnîşan kir ku divê dewletên Navdewletî li gorî hevpemnanên ku hetî îmzekirin êrişên li ser herêma Bakur û Rojhilatê Sûriyê bidin rawestandin.
AMÛDÊ: EM HEMÛ QSD NE
Xelkê bajarê Amûdê jî ji bo piştgiriya QSD’ê û şermezarkirina êrişên çeteyên hikumeta demkî û yên dewleta Tirk a dagirker meşek li dar xist.
Meş ji çerxerêya Şehîd Cîhad dest pê kir. Di meşê de alên QSD’ê hatin hildan û bê navber dirûşmên “Bi can bi xwîn em bi te re QSD’ê”, “Em hemû QSD’ê ne” hatin berzkirin.
Meş li pêşiya avahiya Tevgera Ciwanên Şoreşger a Sûriyeyê û axaftin hatin kirin.
Di axaftinan de hate gotin, ev meş ji bo piştgiriya QSD’ê li hemberî êriş û planên li ser herêmê hate lidarxistin. Bang li civata navneteweyî û rêxistinên hiqûqî hat kirin ku li hemberî sûcên li herêmê têne kirin erkên xwe bi cih bînin.
Di axaftinan de hate diyarkirin ku di dîrokê de gelek caran Kurd rastî xiyanetê hatin lê îradeya wan bi ser dikeve. Hate gotin, ew bi hêzên xwe yên parastinê bawer in û dê îradeya wê neşkê.
ÇILAXA: ÎRO ROJA BERXWEDANÊ YE
Şêniyên bajarê Çilaxa yê kantona Cizîrê ji bo piştgiriya QSD’ê û şermezarkirina êrişên çeteyên hikumeta demkî û yên dewleta Tirk a dagirker ji pêşya çerxerêya Jinê ber qada Şehîd Mahsum ve meşiyan. Di meşê de alên QSD’ê hatin hildan û dirûşmên silavkirina berxwedana QSD û YPJ’ê hatin berzkirin.
Meş li qada Şehîd Mahsum veguherî mîtîngê deqeyek rêz hat girtin û axaftin hatin kirin.
Di axaftinan de hate gotin, îro roja berxwedanê û roja parastina hebûn û rûmeta gel e. Bang li her kesî hat kirin ku li dijî êrişên çeteyên hikumeta demkî tev li seferberiya giştî bibin.
Kesên axivîne bang li civaka navneteweyî û aliyên sponserên lihevkirinan hat kirin ku erkên xwe bi cih bînin û dawî li binpêkirinann bînin.
Di axaftinan de peyamên piştgiriya bi QSD’ê re hatin dayîn.
DÊRIK
Bi sedan şêniyên bajarê Dêrikê jî bi heman armancê meşek li dar xist.
Girse ji sûka navendî dest pê kir û li pêşiya navenda Kongra Star veguherî mîtîngê û axaftin hatin kirin.
Di axaftinan de hate diyarkirin ku êrişên li ser Bakur û Rojhilatê Sûriyeyê têne kirin bi plana dewleta Tirk a dagirker bi rêve diçin.
Her wiha hate gotin, qonaxa heyî qonaxeke hestiyar e û banga berxwedanê û piştgiriya bi QSD’ê re hat kirin.
GIRKÊ LEGÊ
Bi sedan şêniyên bajarên Dêrik û Rimêlanê, tevî koçberên Efrîn û Şehbayê meşek li dar xist. Girse ji qada Şehîd Xebat heya sûka navendî meşiya û bê navber dirûşme berz kirin.
Meş li sûka navendî veguherî mîtîngê û axaftin hatin kirin.
Di axaftinan de peyamên piştgiriya bi QSD’ê re hatin dayîn.
Li Tirbespiyê meş li ber navenda Kongra Star dest pê kir û li navenda bajêr vegherî mîtinga girseyî.
Endamê Insyatîfa Gerlêrî Silêman Ereb axivî êrişên hikûmeta demkî li ser herêmê şermezar kir.
Meş bi dirûşmên “Bijî QSD`ê bi dawî bû.
TIRBESPIYÊ
Li Tirbespiyê meş li ber navenda Kongra Star dest pê kir û li navenda bajêr vegherî mîtinga girseyî.
Endamê Insyatîfa Gerlêrî Silêman Ereb axivî êrişên hikûmeta demkî li ser herêmê şermezar kir.
Meş bi dirûşmên “Bijî QSD`ê bi dawî bû.
