Banga Aştî û Civaka Demokratîk a Rêber Apo û biryarên di kongreya PKK’ê de hatin wergirtin, di asta navneteweyî de piştgiriyê dibînin.
Fîlozofa femînîst a Fransî Catherine Malabou û teorîstyena femînîst û fîlozofa Awûstralyayî Elizabeth Grosz peyam weşandin. Peyama herdu fîlozofan bi vî rengî ye:
Catherine Malabou: PKK’ê bi hêviya ku pêşengiyê ji avabûna demokrasiya tevlîkar a rasteqîn re bike ya ku femînîzm, ekolojî û hurmeta li mafên mirovan a li Tirkiyeyê diparêze, biryara xwe fesixkirinê da ku vê yekê bi rêya diyalogê û amûrên siyasî bike. Ev biryara PKK’ê hewldaneke xwedî berpirsyariyê ye ku hêjayî pesindayin û piştgiriyeke mezin e… Aştî teqez hebûneyeke herî hêja ya siyasî ye û qenciyeke li pêş çavan e ku dawî li têkoşîna çekdarî tîne ku bû sedema mirina bi hezaran kesî… Ev hurmeta mezin a ku gelê Kurd li Tirkiyeyê û derveyî Tirkiyeyê di nava êşa rondikên çavan de afirand, ji ber wêrekiya wan e… Hêvîdar im ev yek wê bibe wesîleya şêweyekî jiyanê yê nû yê bi hev re, her wiha rewşeke welê ku îradeya Kurdan êdî sûc neyê dîtin û bê naskirin.
Elizabeth Grosz: Ez bi kelecan û hêvî me, ji ber ku hikumeta Tirkiyeyê li Tirkiyeyê, Rojhilata Navîn û cîhanê bi gelê Kurd re danûstandinan dike… Ez mafê herkesî Yê ji bo naskirin, bihîstin, veguherîna civakeke aştiyane, pir çandî, demokratîk û cihê hurmetê silav dikim, jê re li çepikan dixim.
