Zêdeyî deh roj in li seranserî Bakur û Rojhilatê Sûriyeyê ji aliyê Şervanên QSD û YPJ’ê ve berxwedaniyeke bê hempa li hemberî çeteyên dewleta Tirk ên bi ser Hikumeta demkî ya Sûriyeyê, tê raberkirin. Jinên Kantona Firatê jî li ser banga seferberiyê tevlî seferberiyê bûn û gotin, ew bang li ciwanên her çar parçeyên Kurdistanê dikin ku rabin ser piyan.
Daxuyanî ji aliyê Endama Kongra Star Nadiya Hiso ve hate dayîn û wiha hate gotin, “Weke jin em ê li hemberî hemû cure êrîşan rabin ser piyan. Em weke tevgera jin seferberiyê radighînin û cihê xwe di seferberiyê de digrin, em soza xwe bi şervanan re nû dikin. Ev berxwedaniya ku niha tê raberkirin, rûmeta mirovahiyê ye, li vir hovîtiya li ser mirovahiyê têk çû û ev têkçûn bi pêşengtiya gelê Kurd bû. Ew jî dixwazin vê îradeyê di Kobanê de têk bibin. Ev planên bi salan e. Êdî me soza hebûnê daye û em dev ji vê berxwedaniyê ber nadin. Me soz daye û em ê heta dawiyê li ber xwe bidin.
Ji bo gelê Kurd li her derê, em bang dikin, ew dixwazin Kurdan qir bikin û tune bikin. Êdî gelê me divê rabe ser piyan û berê xwe bide Kobanê, êdî dem dema rumetê ye. Her kesî dît ku van hovan çi kir, li Reqa û Tebqa niha jî Kobanê di nava dorpêçê de ye. Em wan nas dikin û dizanin ku ev kî ne, ew êrîşên hovane li ser me dikin. Ew dixwazin komkujî û qetilkirinê pêk bînin. Êdî rabin ser piyan û em soz didin her kesî ku em ê hebin û em hene. Jin Jiyan Azadî û Kurdistan jî ya me ye.”
