Li Sahnaya ya li nêzî Şamê roja Çarşemê di navbera komên çekdar ên ser bi hikumeta Îslamî ya sûnî ya ji El Qaîde û DAÎŞ’ê û şervanên Durzî de şer qewimî.
Li gorî SOHR’ê 15 şervanên Durzî yên diçûn Sahnayê, bûn hedefa ‘kesên çekdar û hêzên hikumetê’. Hate ragihandin ku di êrîşê de herî kêm 15 şervanên Durzî jiyana xwe ji dest dan.
NERAZÎBÛNA QIRKIRINÊ
Lîderekî olî yê Durzî yê li Sûriyeyê bi bandor, roja Pêncşemê daxuyaniyek da û diyar kir ku li hemberî civaka Durzî kampanya qirkirinê tê meşandin.
Şêx Hîkmet el Hacrî ku weke otorîteya herî bilind a rûhanî ya Durziyên li Sûriyeyê tê qebûlkirin di daxuyaniyê de ragihand ku bûyerên li Jaramana û Sahnayê li hemberî sivîlên li mala xwe hatin kirin û weke ‘kampanya qirkirinê ya neheq’ pênase kir. Her wiha bang li hêzên aştiyê yên navneteweyî kir ku bi lez destwerdanê bikin.
