Duh Federasyona Navneteweyî ya Futbolê (FIFA) alîgirên tîma futbolê ya Zaxoyê wek alîgirên herî baş ên cîhanê diyar kir.
Di daxuyaniya FIFA’yê de hatiye diyarkirin ku alîgirên tîma futbolê ya Zaxoyê ji ber dîmenên xwe yên ciwan û balkêş yên ji bo piştgiriya tîma xwe nîşandan, ji bo wergirtina xelata ‘alîgirên herî baş ên FIFA yên sala 2025’an’ hat destnîşankirin.
Konseya Rêveber a Kongreya Neteweyî ya Kurdistanê (KNK) bi peyamekê klûba Zaxo Sporê pîroz kir.
KNK’ê di peyama xwe de ragihand ku tîma futbolê ya Zaxoyê xelata ‘Alîgirên herî baş’ wergirtiye û wiha got, “Bi wergirtina vê xelata di warê futbolê de, navê Kurd û Kurdistanê li seranserê cîhanê deng vedaye. Bi helwesta alîgirên Zaxo Sporê ya di 13’yê Gulana 2025’an de, derket holê ku Gelê Kurd dikare bi kiryarên xwe yên exlaqî, ji bo cîhanê bibe mînakek herî baş.
Em weke KNK; serok, rêveber, alîgirên Zaxo Sporê û hemû xelkê Kurdistanê ji bo wergirtina vê xelata bi nav û deng pîroz dikin. Em hêviya serkeftinên zêdetir ji bo tîma futbolê ya Zaxo Sporê dixwazin.”
