Komîteya ji Rêber Abdullah Ocalan re Azadî ya Başûrê Kurdistanê piştgiriya xwe ya ji bo peyama Rêber Apo destnîşan kir û got: “Ji ber ku tez û ramanên Rêber Ocalan hêvênê xebat û têkoşîna tevgera Azadî ye. Pradîgmaya sedsalê ya Rêber Apo xala destpêkê ya karê siyasî û çareserkirina pirsgirêkên li Rojhilata Navîne.”
Li Sekoya Azadî li Parka Azadî ya Silêmaniyê KKomîteya ji Rêber Abdullah Ocalan re Azadî ya Başûrê Kurdistanê bi daxuyaniyekê piştgiriya xwe ya ji bo peyama Rêber Apo ya ‘Aştî û Civaka Demokratîk’ nîşan da.
Peyama komîteyê ji aliyê Soran Mehmûd ve hate xwendin.
Di daxuyaniyê de hate gotin ku careke din banga aştî û civaka demokratîk li Girava Îmralî ya yek ji giravên êşkenceyê ye, giha hemû mirovên azad, azadîxwazan û cîhanê.
Di daxuyaniyê de ev hate gotin: “Ev bang û hewar encama xebat û têkoşîna gelê me bû ya li her çar parçeyên Kurdistanê. Encama ked û xwêdana gerîla û xwîna şehîdane. Ked û vîna girtiyên siyasî yên sembola şoreşê li dijî dewletek herî hov.”
Di daxuyaniyê de bal kişand ser ramanên Rêber Apo û ev hate gotin: “Ji ber ku tez û ramanên Rêber Ocalan hêvênê xebat û têkoşîna tevgera Azadî ye. Xwedî hêze ku dawî li hişmendiya faşîst têk bir. Pradîgmaya sedsalê ya Rêber Apo xala destpêkê ya karê siyasî û çareserkirina pirsgirêkên li Rojhilata Navîne.”
Di daxuyaniyê de qala peyama PKK’ê jî tê kirin û li ser vê ev hatiye parvekirin: “Peyama PKK’ê û qebûlkirina peyama sedsalê bersiveke pir girînge di warê siyasî ya wê partiya serbilind ji bo ew kesên ku heta niha vîna têkoşînê ji vê tevgerê fêr nebûne.”
Di dewama daxuyaniyê de ev hate gotin: “26 salên girtî, êşkence û tecrîdên giran, Rêber Apo nexistiye nava fikar û dudiliyê. Bi vîneke mezin a çiyayî dewleta Tirkiye aniye ser xetê ku dem dema Ocalane ku pirsa Kurd li Tirkiye çareser bike. Heman demê ev çareserî wê bibe sedemê hilweşandina ew sîstema dewletên sermayedar ku di Şerê Cîhanê yê Yekem de ku gelê herêmê kirin qûrbanî berjewendiyên xwe bi taybet gelê Kurd bûn qûrbanî û 100 sale wiha têkoşîn dike.
Divê em hemû vê rastiyê bizanibin azadiya Ocalan garantiya vê pêvajoyê ye. Vê qonaxê bikin qonaxeke zêdetir a nasandina bîr û ramanbên Rêber Apo û kar bikin ji bo praktîzekirina li nav civakê. Pêwîstiya gelan bi modernîteya demokratîk û neteweya demokratîk ya bi hev re jiyîna gelan heye. Ev yek jî yekane rêya çareseriyê ye rizgarbûna ji hejarî û parastina jîngehê, vegerîna li xwezaya jinê, malbata azadî û jiyana azad.”
Di dawiya çalakiyê de peyama Rêber Apo ya 8’ê Adarê ji bo jinan şandibû hate xwendin.
