Civîn bi pêxistina 74 findan û ji bo şehîdên Kurdistanê bi deqeyek rêzgirtinê destpê kir. Piştre nameya Rêber Apo ya ku ji bo civaka Êzidî hatibû şandin hate xwandin. Piştî nameyê Şêx Siyabend axivî û dua ji bo cangoriyên Şengalê kir.
Endama Komalên Jinên Kurdistan (KJK) a li Rûsyayê jî axivî û behsa destpêka Îslamê li Kurdistanê Şengal kir û got, pêwîste rewşeke wê ya xweser hebe. Her wiha got: “Me soz daye ku komkujiyên bi vê rengî dubare nebin. Û em ê heya dawî li jin û keçên winda bûyî bigerin.”
Her wiha balkişand ser rola gel û rêxistinên Kurd ên li derveyî welat ji bo naskirina Komkujiyê. Her wiha bal kişand ser gotinên Rêber Apo ji bo Şengal û Rojava ku dibêje, “Şengal û Rojava Xeta Sor e” û diyar kir ku hêzên me amade ne gelê xwe biparêze.
Her wiha endamê Meclîsa Moskowayê Andoye Mîşa û Seroka organîzasyona Jinên Kurd li Moskowayê ‘Viyan’ Tera Qadir jî axivîn û komkujî şermezar kirin.
