Konferansa “di rêya jiyana wekhev û azad a gelan de, çareserî aştî ye” di roja duyan de bi rûniştina bi sernava “Em ê çawa li Tirkiyeyê zemînê civakî ya aştiyê ava bikin?” dewam kir.
Rûniştin bi moderatoriya Prof. Dr. Ayşe Betul Çelîk pêk hat. Di rûniştinê de siyasetmedar Gultan Kişanak, dîrokzan Erdogan Aydin û Dr. Noemi Levy-Aksu nirxandinên girîng kirin.
Di konferansê de bangên ji bo muzakereya civakî ya têkildarî çareseriya pirsgirêka Kurd, derketin pêş. Hat diyarkirin ku divê aştî civakî bibe û her kes rû bi rûyê heqîqetê bimîne û ji bo çareseriyê banga têkoşîna hevpar hate kirin.
BÎRA KOLEKTÎF
Dr. Noemi Levy-Aksu bal kişand ser rûbirû mayîna bi paşeroja pêvajoyên aştiyê û got, “Dema mirov dibêje rûbirû mayîna bi paşerojê re, sûcên mîna komkujî û qirkirinên li hemberî Kurdan hatine kirin. Lewma ji bo xurtkirina mutabaqata civakî, divê rû bi rû bimînin.”
Dîrokzan Erdogan Aydin bal kişand ser astengiyên îdeolojiyên desthilatdar ên li pêşiya aştiyê û got, “Yan em ê desthilatdariyê ji bo aştiyê razî bikin û bi rengekî mayînde zemînê çêbikin, yan jî em ê car din vegerin pêvajoyeke derbarê Kurdan.”
Siyasetmedar Gultan Kişanak jî diyar kir ku meseleya Kurd pirsgirêka hemû Tirkiyeyê û ev tişt got: “Divê nasnameyên cuda, çand û bawerî bên ba hev û rewşeke diyalog û civakîbûnê ava bikin. Divê em tevgereke muzakereyê û diyalogeke civakî bidin destpêkirin. Pirsgirêka Kurd li vî welatî di qada siyasî de bûye amûr. Lewma divê em li siyasetê binêrin û vî karî çareser bikin.”
