Konferansa “Kurdên Bakur yekîtiya neteweyî nîqaş dikin” bi axaftinan dewam kir. Konferans ji aliyê Însiyatîfa Yekîtiya Demokratîk ve hate organîzekirin. Di konferansê de nîqaşên li ser yekîtiya neteweyî derketin pêş.
Hevberdevk Gulcan Kaçmaz Sayyîgît axaftina vekirinê ya konferansê kir û got, yek ji sedemên esas ên nîqaşên li Kurdistanê, yekîtiya neteweyî ye.
Gulcan Kaçmaz Sayyîgît bal kişand ser mînaka li Rojava û diyar kir ku helwesta hevpar a gel dikare planan xira bike. Gulcan anî ziman ku Kurd divê li dora îradeyeke hevpar bibin yek.
Hevberdevk Mehmet Kamaç jî diyar kir ku di sedsala 20’an de ji ber Kurdan yekîtî çênekir, vê yekê encamên giran bi xwe re anî. Kamaç bang kir ku êdî divê her kes li dora stratejiyeke hevpar bibe yek.
Kamaç bang li hemû partiyên siyasî yên Kurdî kir û xwest ku ji bo yekîtiya neteweyî nîqaşeke vekirî û hevpar were meşandin. Kamaç got, “Armanca me ya esas ew e ku em li ser rêya avakirina yekîtiya neteweyî, berpirsyariya xwe ya dîrokî bi cih bînin. Yekîtî yekane çareseriya statuya Kurdan e.”
