Li Herêma Bakur û Rojhilatê Sûriyeyê û qada Sûriyeyê liv û tevgera leşkerî rojên dawî zêde bû.
Li gorî agahiyên ji çavkaniyên xwecihî hatin wergirtin, konvoyên leşkerî yên artêşa Tirk a dagirker ji 3 deveran; Efrîn, Serêkaniyê û bakurê Helebê ketin nava xaka Sûriyeyê.
Di medya dîjîtal de jî dîmen hatin weşandin ku nîşan didin, konvoyên artêşa Tirk ber bi Minbicê ve diçin.
Li gorî çavkaniyên xwecihî, konvoyeke leşkerî ya dewleta dagirker ji deriyê sînor ê Deyr Ballutê derbasî herêma Helebê, konvoyeke din jî ji deriyê sînor ê Advaniyahê jî nîvê şevê derbasî nava Sûriyeyê bû. Tê gotin, liv û tevgera leşkerî bi giranî li bakurê Helebê û derdora Minbicê heye.
Li gel vê veguhestinê, tê gotin komên çekdar ên ser bi Hikumeta Veguhêz a Sûriyeyê li rojhilatê welêt hêza xwe zêde dike, hêzên nû yênl eşkerî şandine Kantoan Dêrazorê, li gel sîstema topavêjan her wiha amûrên bêmirov li herêmê bi cih kirine. Hate ragihandin ku veguhestin bi giranî ji çeteyên Tumena 86’an pêk tê û berê xwe dane hin nuqteyên li rojavayê kantonê.
